सीबीआय एसीबीच्या मुंबई पथकाने दिलेल्या माहितीनुसार, नाशिकच्या आर्टिलरी व आर्मी एव्हिएशन सेंटरच्या (एएसी) वेतन आणि लेखा कार्यालयातील लेखापरीक्षक संशयित नवीन कुमार मिणा, अजय कुमार, सहाय्यक लेखापरीक्षा अधिकारी अनुप कुमार उर्फ अनुप पटेल, अश्विनी कुमार पांडेय यांच्याविरुद्ध गुन्हा नोंद आहे. यासह नाशिकच्या ओझर येथील ‘एओजीई’ कार्यालयातील लेखापरीक्षक संशयित विकास कुमार मीना यांच्याविरुद्ध गुन्हा नोंद आहे. आर्टिलरी व आर्मी एव्हिएशन सेंटरच्या वेतन आणि लेखा कार्यालयातील (ओआरएस) लेखापरीक्षक संशयित मोहित स्वामी याच्याविरुद्धही गुन्हा नोंद आहे. या तीन गुन्ह्यांतील पाच संशयितांसह अन्य नऊ जणांविरुद्ध गुन्हे नोंदविण्यात आले आहेत.
Shivshahi Bus: ‘शिवशाही’बाबत प्रवाशांत तीव्र नाराजी; बंद एसी, मळके पडदे, फाटक्या आसनांमुळे होतेय गैरसोय
दरम्यान, संरक्षण लेखा महानियंत्रक कार्यालय, ओआरएस, एएसी या यंत्रणेतील काही अधिकारी-कर्मचाऱ्यांनी संगनमताने हा गैरव्यवहार आणि भ्रष्टाचार केल्याचे सीबीआय एसीबीच्या तपासात पुढे आले आहे.
२१ गावांत हर घर टंचाई! बुलढाणा जिल्ह्यातील ५ तालुक्यांत पाण्यासाठी पायपीट; अर्धवट उपाययोजनांमुळे स्थिती बिकट
■१३ नोव्हेंबर २०२४ रोजी दोन पथकांद्वारे कार्यालयात संयुक्त ‘सरप्राइज’ तपासणी
■५ डिसेंबर २०२४ रोजी चौकशी पूर्ण करून सीबीआय एसीबीच्या अधीक्षकांकडे अहवाल सादर
■सीबीआय एसीबीच्या अधीक्षक कार्यालयाने अहवालासह सबळ पुराव्यांची पडताळणी केली
■एप्रिल २०२५ रोजी मुंबईत संशयितांविरुद्ध तीन गुन्ह्यांची नोंद
■ भारतीय न्यायसंहितेच्या कलम १७३ अन्वये गुन्हे नोंद

नाशिक जिल्हा बॅंक अडचणीतच! कृषिमंत्र्यांसह चार आमदार, खासदारांकडे बँकेची कोट्यवधींची थकबाकी
लष्करी कर्मचाऱ्यांच्या वेतनासंदर्भात लाचखोरी करणाऱ्यांमध्ये १५ संशयितांचा समावेश आहे. त्यांच्या नाशिक, मुंबई, लखनऊ, अहमदाबाद, नागपूर येथील घरांची घडती घेतली. तेथे संशयास्पद कागदपत्रे प्राप्त झाली आहे. वीस हजार ते सात लाख तीस हजारांपर्यंत भ्रष्टाचार व लाचखोरी झाल्याचा संशय आहे. –रणजितकुमार पांडेय, उपअधीक्षक, सीबीआय एसीबी