देवेंद्र फडणवीस काय म्हणाले?

“दीनानाथ मंगेशकर रुग्णालयात काल झालेल्या प्रकाराची माहिती मी आज भिसे कुटुंबीयांकडून घेतली. या प्रकरणात संपूर्ण चौकशी होईलच आणि अहवालानुसार कारवाई सुद्धा. पण, आज त्या कुटुंबापुढे सर्वात मोठा प्रश्न, त्या जन्माला आलेल्या दोन अपत्यांच्या आरोग्याचा आहे. मुदतपूर्व प्रसुतीमुळे ही दोन्ही अपत्य आज ‘एनआयसीयू’मध्ये आहेत आणि आणखी काही काळ त्यांना तेथे उपचार घ्यावे लागणार आहेत. त्याचा खर्च सुद्धा अधिक आहे. त्यामुळे त्या दोन्ही मुलींचा उपचारांचा खर्च हा मुख्यमंत्री सहायता निधीतून देण्याचे निर्देश मी दिले आहेत”, अशी माहिती देवेंद्र फडणवीस यांनी दिली.

भिसे कुटुंबियांची प्रतिक्रिया काय?

मुख्यमंत्री देवेंद्र फडणवीस यांच्या भेटीनंतर भिसे कुटुंबियांनी देखील प्रतिक्रिया दिली. “जी माहिती आम्ही सुरुवातीपासून सांगत आहोत तीच माहिती आम्ही पोलीस प्रशासनाला दिली आहे. ज्या गोष्टी आमच्यासोबत घडल्या त्या सर्व पोलीस प्रशासनाला सांगितल्या. आम्ही मुख्यमंत्र्यांना भेटलो. मुख्यमंत्र्यांनी सांगितलं घडलेला प्रकार हा खूप संवेदनशील असून याच्यावरती नक्कीच कारवाई होईल आणि भविष्यात अशा तनिषा घडणार नाहीत याची खबरदारी घेतली जाईल”, असं भिसे कुटुंबियांनी सांगितलं.
Dhananjay Munde : मोठी बातमी! धनंजय मुंडे यांची याचिका फेटाळली, कोर्टाचा निर्णय करुणा शर्मा यांच्या बाजूने
“रोष फक्त एका व्यक्तीवर नाही तर संपूर्ण व्यवस्थेवर आहे. हा लढा फक्त माझ्या एकट्याचा राहिला नसून संपूर्ण जनतेचा हा लढा झाला आहे. डॉक्टर घैसासचे लायसन रद्द करण्यात याव अशी आमची मागणी आहे. आम्ही मुख्यमंत्र्यांना भेटलो आहोत. त्यांनी आम्हाला आश्वासन दिले आहे की, तुम्हाला न्याय मिळवून देऊ. संपूर्ण हॉस्पिटल हे धर्मदाय व्हावं आणि रुग्णाला योग्य उपचार मिळावेत अशी विनंती आम्ही देवेंद्र फडणवीस यांच्याकडे केली आहे”, अशी माहिती भिसे कुटुंबियांनी दिली.

आमचा राग हा त्या दिवसासाठी आहे, लोकांची दिशाभूल करू नका. त्या दिवसाचे सीसीटीव्ही दाखवा. पेशंट क्रिटिकल होतं हे तुम्ही म्हणत असाल तर मग तुम्ही उपचार का नाही केले? तुम्ही साधी सुई देखील लावली नाही, ना की गोळी सुद्धा दिली, हे आधी सांगा आणि नंतर बाकीच्या गोष्टी बोला”, अशी संतप्त प्रतिक्रिया भिसे कुटुंबियांनी दिली.