काय आहे प्रकरण?

भाजप आमदार अमित गोरखे यांचे स्वीय सहाय्यक सुशांत भिसे यांची पत्नी तनिषा भिसे यांचा प्रसुतीनंतर मृत्यू झाल्याची दुर्दैवी घटना समोर आली आहे. पुण्यातील दीनानाथ मंगेशकर रुग्णालयाच्या आडमुठेपणामुळे तनिषा यांना प्राण गमवावे लागल्याचा आरोप होत आहे. तनिषा यांनी सातव्या महिन्यात जुळ्या मुलींना जन्म देऊन जगाचा निरोप घेतला. दहा लाख रुपयांचे डिपॉझिट जमा केल्याशिवाय उपचार सुरु न करण्याचा आडमुठेपणा रुग्णालयाने केल्यामुळे तनिषा दगावल्याचा दावा कुटुंबाने केला आहे.

मंत्रिमंडळ निर्णय काय?

पुण्यातील दीनानाथ मंगेशकर फाऊंडेशन ट्रस्टला हॉस्पिटल आणि मेडिकल रिसर्च सेंटरला एरंडवणा येथे जमीन देण्यात आली आहे. ट्रस्टने कर्वेनगर येथील जमीन खरेदी केली आहे. या दोन्ही मिळकतीच्या दरम्यान नाला आहे. या नाल्यावर पूल बांधण्यासाठी ७९५ चौरस मीटर जमिनीची आवश्यकता असल्याची मागणी ट्रस्टने केली होती. त्यानुसार ही जमीन त्यांना वार्षिक १ रुपया या नाममात्र दराने भाडेपट्ट्याने देण्यास मंजुरी देण्यात होती. या मंत्रिमंडळ निर्णयावरून आता मोठा वादंग निर्माण झाला आहे.

Tanisha Bhise Death Case : वहिनी रडत लॉबीतून गेली; सुशांत भाऊ म्हणाले डॉक्टर आम्ही शेती विकून पैसे देऊ, तनिषा भिसेच्या नणंदेने सांगितला हादरवणारा घटनाक्रम
फक्त पैशाची हाव असणाऱ्या मग्रूर हॉस्पिटलला नाममात्र दरात जमीन देण्याची काय गरज? असा सवाल आता विचारला जात आहे. यावरून सामाजिक कार्यकर्ते विजय कुंभार यांनी सरकारवर सडकून टीका केली आहे. आत्ता आत्ता म्हणजे फेब्रुवारी महिन्यामध्ये राज्य शासनाने दीनानाथ मंगेशकर रुग्णालयाला पुण्यातील जवळपास आठ हजार चौरस फूट जागा वार्षिक नाममात्र एक रुपया भाड्याने दिली आहे. यापूर्वी रुग्णालयासाठी दिलेली जमीनही अशीच नामामात्र भाड्याने दिलेली आहे.
Pune Crime : नगरमध्ये लग्नाची सुपारी फुटली, पुण्यात होणाऱ्या नवऱ्याचा जीव घेण्याची सुपारी दिली; लफडं लपवण्याचा घाट, नवरीने बॉयफ्रेण्डच्या साथीने गेम रचला
आत्ता दिलेल्या जमिनीची किंमत सध्याच्या बाजार भावाने कमीत कमी १० कोटी रूपये तरी असेल. रुग्णालयाने मात्र १० लाख रूपये आगाऊ भरले नाहीत म्हणून उपचार नाकारले आणि रूग्ण दगावला, काय अर्थ लावायचा या सगळ्यांचा? असा सवाल विचारला जात आहे.