वकिलाचा कोरटकरवर हल्ल्याचा प्रयत्न

इतिहास अभ्यासक इंद्रजीत सावंत यांना फोन करून जीवे मारण्याची धमकी दिलेल्या नागपूरचा फरार संशयित प्रशांत कोरटकर याला २५ मार्च रोजी कोल्हापूर पोलिसांनी तेलंगणातून ताब्यात घेतलं आणि २६ तारखेला कोल्हापूर सत्र न्यायालयात हजर करण्यात आलं. यावेळी त्याला तीन दिवसांची पोलीस कोठडी मिळाली होती. या पोलीस कोठडीत चौकशी दरम्यान इंद्रजीत सावंत यांना आपणच फोन केल्याचं पोलिसांसमोर मान्य केल्याची माहिती समोर आली. तसंच प्रशांत कोरटकरचे आवाजाचे नमुने ही घेण्यात आले होते.
Kolhapur News : मृतदेहासाठी वापरलेला बर्फ गटारातून काढून पाणी थंड करण्यासाठी वापरला, कोल्हापुरातील धक्कादायक प्रकार
दरम्यान आज त्याची पोलीस कोठडी संपली होती. यामुळे त्याला सुनावणीसाठी कोल्हापूर जिल्हा सत्र न्यायालयात दाखल करण्यात आलं होतं. यावेळी न्यायालयाबाहेर कोल्हापूर पोलीस दलाच्या वतीने प्रचंड बंदोबस्त तैनात करण्यात आला होता. कोणत्याही शिवप्रेमीला न्यायालयात प्रवेश देण्यात येत नव्हता. मात्र तरीही एका शिवभक्ताने कोरटकर विरोधात निदर्शने केली, त्याला ताब्यात घेण्यात आलं.
Eknath Shinde : लाडकी बहीण योजनेचे २१०० रुपये येणार का? एकनाथ शिंदेंनी दिलं उत्तर, म्हणाले, आम्ही…
सुनावणीनंतर प्रशांत कोरटकरला न्यायालयातून पोलीस ठाण्याकडे घेऊन येताना कोर्ट परिसरातील कॅन्टीनजवळ एका अमित भोसले या वकिलाने पश्या छत्रपतींचा अवमान करतोस का? असा जाब विचारत कोरटकरला कोल्हापुरी पायतान मारण्याचा प्रयत्न केला. अचानक घडलेल्या या घटनेमुळे पोलिसांची एकच तारांबळ उडाली. मात्र पोलिसांनी हल्ला करणाऱ्याला ताब्यात घेतलं आणि नंतर त्याला सोडून देण्यात आलं.

शिवप्रेमींकडून वकीलाचं कौतुक आणि सत्कार

सकाळपासूनच पोलिसांनी जिल्हा सत्र न्यायालयाबाहेर मोठा पोलीस बंदोबस्त लावला होता. यामुळे कोणत्याही शिवभक्ताला न्यायालयात प्रवेश करता आला नाही, मात्र या अमित भोसले वकिलाने कोरटकरचा निषेध केल्याने त्याचं शिवभक्तांकडून आता कौतुक होऊ लागलं आहे. काल रात्री देखील काही शिवभक्तांनी त्याचा शाल आणि श्रीफळ देऊन सत्कार केला. तसंच आज शनिवारी सकाळी देखील शिवसेना उद्धव बाळासाहेब ठाकरे पक्षाच्यावतीने त्याचा जाहीर सत्कार करण्यात आला.

यावेळी शिवसेनेचे उपनेते संजय पवार यांनी शिवभक्त, शिवसेना आणि शिवसैनिक यांच्यात प्रशांत कोरटकर यांनी केलेल्या वक्तव्याचा प्रचंड रोष आहे. भाजपने महापुरुषांचा अपमान करण्यासाठी आणि त्यांचा इतिहास पुसून काढण्यासाठी ही पिलावळ निर्माण केली आहेत. मात्र तरीही छत्रपती शिवाजी महाराज आणि हे महापुरुष आमचे दैवत आहेत, त्यांचा जो अपमान करेल त्याला अशाच पद्धतीने उत्तर मिळेल असा इशारा संजय पवार यांनी दिला.

मोठी लोक राष्ट्रीय एकात्मतेला बाधा आणत असतील तर आम्ही कोणाकडून आदर्श घ्यायचा –

गेल्या अनेक दिवसांपासून राष्ट्रीय एकात्मता बिघडवण्याचा प्रयत्न होत आहे, ती टिकायला हवी. एका बाजूला जवान सीमेवर लढत आहेत, त्यामुळेच सर्व जाती पंथाचे लोक येथे चांगल्या पद्धतीने राहतात. पण बिघडवण्याचा काम काहीजण करत आहेत. प्रशांत कोरटकर जेव्हा माझ्या समोर आला तो राष्ट्रद्रोही मला दिसू लागला. मग अशा वेळेस कोणीही गप्प बसू शकत नाही. सोलापूरकर, कोरटकर यांनी आणि माजी राज्यपाल भगतसिंह कोशारी अशा मोठ्या व्यक्तीकडून ही अपेक्षा नव्हती, असा सवाल वकील अमित भोसले यांनी विचारला आहे.
Ratnagiri News : कोकणात यलो अलर्ट; २९ – ३० मार्चला पावसाची शक्यता, चक्रिवादळाचा इशारा, मासेमारी नौका किनाऱ्यावर
मी वकील असलो तरी सुरुवातीला मी भारतीय नागरिक आहे आणि कोरडकरला पाहिल्यानंतर तो मला देशद्रोही दिसू लागला होता, त्यामुळे मला कंट्रोल झालं नाही आणि मी संताप व्यक्त केला, असंही ते यावेळी म्हणाले आहेत.