जिल्ह्यातील प्रसिद्ध घोडाझरी तलावात पोहण्याचा आनंद घेण्यासाठी चिमूर तालुक्यात येणाऱ्या साठगाव-कोलारी गावातील पाच तरुण आज दुपारच्या सुमारास आले होते. जनक गावंडे, यश गावंडे, अनिकेत गावंडे, तेजस गावंडे, तेजस ठाकरे या पाच जीवलग मित्रांनी पोहण्यासाठी तलावात उडी घेतली. पाण्याचा अंदाज न आल्याने पाच मित्र बुडाले. मृतांपैकी यश, जनक हे सख्खे भाऊ आहेत. तर अनिकेत आणि तेजस हे चुलत भाऊ आहेत. तरुण मुलांच्या अकाली निधनानं कुटुंबियांना मोठा धक्का बसला आहे.
Pune Crime: एका विहिरीत धड, दुसऱ्या विहिरीत गाठोड्यात अवयव; १९ वर्षीय मुलाची निर्घृण हत्या, पुण्यात खळबळ
घोडझरी तलावात पोहोण्यासाठी गेलेल्यांमध्ये आर्यन इंगोले या तरुणाचाही समावेश होता. तो बुडालेल्या तरुणांच्या सोबतीला होता. या दुदैवी घटनेत आर्यनने कसेबसे स्वतःला वाचवले. त्याने डोळ्यादेखत पाच मित्रांना बुडताना पाहिले. या घटनेने तो पुरता हादरला. त्याने स्वतःला कसेबसे सावरले आणि पोलिसांना घटनेची माहिती दिली.
तेच गाव, तेच ठिकाण; खोक्याला घेऊन पोलिसांची परेड; तपासाला वेग, २ महत्त्वाचे पुरावे हवेत
घटनेची माहिती पोलीस विभागाला देण्यात आली. पोलिसांनी घटनास्थळ गाठून बुडालेल्या पाच तरुणांचा शोध सुरु केला. स्थानिक मच्छिमारांची मदत पोलीस विभागाने घेतली. पाचही तरुणांचे मृतदेह हाती लागले आहेत. जिल्हात शांततेत आणि उत्साहात होळीचा सण संपन्न झाला. पण या आनंदावर आता विरजण पडले आहे.