Laxman Hake on Manoj Jaranage Patil : जालन्यामध्ये बोराडे नावाच्या धनगर तरुणाचा अमानुषपणे मारहाण दिल्याचा व्हिडिओ समोर आला आहे. याचे व्हिडिओ समोर आले आहेत. या प्रकरणावरुन वातावरण तापले असताना मनोज जरांगे यांनी ही पत्रकार परिषद घेत मोठा दावा केला आहे. या व्हिडिओवर लक्ष्मण हाके यांनी प्रतिक्रिया दिली आहे.
लक्ष्मण हाके म्हणाले, आज जरांगे यांनी बोराडेचा दारू प्यायल्याचा व्हिडीओ दाखवला, तो महादेव भक्त आहे. जवळ मंदिर आहे, महाशिवरात्रीला गेला होता. मात्र त्या माणसाने समाज विघातक कृत्य केलेलं नाही. एका धनगर तरुणाला येथे जीवे मारण्याचा प्रयत्न केला जातो. मी याप्रकरणी पोलिसांना भेटलो. अशा कृतीतून जरांगे पाटील या ना त्या कारणावरून राज्यात दोन जातीत भांडण लावण्याचे काम जरांगे करत आहे. बोराडे याला न्याय मिळालं पाहिजे अशी आमची मागणी आहे.
‘बोराडे अर्धवट कपड्यात गेला, असा आरोप जरांगे करत आहेत. पण अश्लील हावभाव केला म्हणून मारणार का? पोलिस यंत्रणा आहे ना. असे असेल तर मग मंदिरातील पुजारी आणि कुंभमेळामधील साधू काय पूर्ण कपड्यात असतात का?’ असा खडा सवाल देखील हाकेंनी जरांगेंना केला आहे.
हाके जरांगे टीकास्त्र डागत पुढे म्हणाले, जरांगे याच्या अजेंड्यावर ओबीसी नेते असतात, मी तर असतोच. यात रोहित पवार यांची आय टी सेल जरांगे यांना पाठिंबा देत आहे. जरांगे यांची गृहखात्यामार्फत चौकशी करावी अशी आमची मागणी आहे. मुखमंत्र्यापासून सगळे नेते राजकारण करत आहेत. का न्याय देत नाही आम्हाला? एकाला एक न्याय आणि एकाला एक न्याय देणार असतील मुख्यमंत्री तर आम्ही त्याच्या विरोधात ही रस्त्यावर उतरु, असा इशाराच हाकेंनी दिला आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा