नेमकं काय घडलं?

पिंप्री फॉरेस्ट येथील बाबासाहेब नाईक शाळेतून दोन मुली दहावीचा पेपर सोडवून घरी जाण्यासाठी थांबल्या होत्या. तेवढ्यात शाळेच्या मुख्याध्यापकांनी त्यांना शिक्षक गजानन बाजारे यांच्या कारमधून जाण्यास सांगितलं होतं. मात्र, कामठवाडा गावापर्यंत गेल्यानंतर या शिक्षकाने त्या दोन मुलींसोबत अश्लील चाळे करत त्यांचा विनयभंग केल्याची संतापजनक घटना घडली.

याच गाडीमध्ये इतर दोन शिक्षकही होते. त्यांनी बाजारे यांच्या या कृतीला विरोध केला आणि या दोन मुलींना गाडीच्या खाली उतरून ऑटोने त्यांच्या घरी सोडलं. या घटनेची माहिती पीडित मुलींनी पालकांना सांगितली असता पालकांनी थेट कारंजा ग्रामीण पोलीस स्टेशन गाठून या शिक्षकाविरोधात तक्रार दाखल केली आहे. कारंजा पोलिसांनी शिक्षकाविरुद्ध गुन्हा दाखल केला असून आरोपी शिक्षकाचा शोध सुरू असल्याची माहिती ठाणेदार प्रवीण खंदारे यांनी दिली आहे.
Pune News: पतीचं अफेअर सहन होईना, विवाहितेने आयुष्य संपवलं; पण अखेरच्या पत्राने गुंता वाढला, पुण्यात काय घडलं?
वाशिम जिल्ह्यात अल्पवयीन मुलींवरील अत्याचाराच्या घटनेत दिवसेंदिवस वाढ होत चालली असून काही दिवसांपूर्वी रिसोड तालुक्यातील एका १६ वर्षीय अल्पवयीन मुलीवर लैंगिक अत्याचार केल्याची आणि त्याच दरम्यान एका ७ वर्षांच्या मुलीचा विनयभंग केल्याची घटना ताजी असताना शिक्षकाने शिक्षकी पेशाला काळिमा फासल्याची घटना समोर आली आहे.

३ मार्चला दहावीचा हिंदी विषयाचा पेपर सोडवून घरी जाण्यासाठी बाहेर थांबलेल्या दोन विद्यार्थिनींना शाळेच्या मुख्याध्यापकाने एका शिक्षकाच्या चार चाकी वाहनात बसवून घरी जाण्यासाठी पाठवले. मात्र, रस्त्याने जात असताना नराधम शिक्षकाने या विद्यार्थिनींचा विनयभंग केला. सदर बाब गाडीत बसून असलेल्या इतर दोन शिक्षकांच्या लक्षात येताच त्यांनी गाडी थांबवून दोन्ही मुलींना ऑटो रिक्षाने घरी नेऊन सोडले. घाबरलेल्या अवस्थेत मुलींनी घडलेली घटना पालकांना सांगितली. मात्र, मुली घाबरलेल्या अवस्थेत असल्याने पीडित मुलीच्या पालकांनी ५ मार्च रोजी कारंजा ग्रामीण पोलिसात गुन्हा केला असून नराधम शिक्षक फरार झाला असून त्याचा शोध पोलिस घेत आहेत, अशी माहिती पोलिसांनी दिली आहे.