मुलीवर अत्याचार करून नराधमाने थेट त्याचे घर गाठले. पोलिसांनी सीसीटीव्हीच्या मदतीने आरोपीची ओळख पटवली आणि त्याचा शोध सुरू केला. आरोपी हा सायंकाळी साडेपाचपर्यंत आपल्या घरीच आराम करत होता. त्यानंतर तो ऊसामध्ये जाऊन लपला. पोलिसांनी अनेक प्रयत्न आरोपी पकडण्यासाठी केली. काही पथके तयार करण्यात आली. शेवटी त्याला रात्री दीड वाजता पोलिसांनी ताब्यात घेतले. आता काही मोठे खुलासे होताना दिसत आहेत.
Sanjay Raut : गृहराज्यमंत्री दिव्य, शांततेत अत्याचार झाला?, योगेश कदम यांच्यावर संजय राऊतांची जोरदार टीकाया घटनेनंतर आरोपीने आत्महत्या करण्याचा प्रयत्न केला असल्याची माहिती पोलिसांनी दिलीये. दोरी तुटल्याने त्याचा प्रयत्न फसला. आरोपीच्या गळ्यावर व्रण असल्याचीही माहिती पोलिसांकडून देण्यात आलीये. मात्र, वैद्यकीय तपासणीनंतरच खरे काय ते समारे येईल, असेही पुणे पोलिस आयुक्तांनी सांगितले आहे. म्हणजेच काय तर आरोपीने या घटनेनंतर आत्महत्या करण्याचा प्रयत्न केला होता. मात्र, दोरी तुटल्याने त्याचा हा प्रयत्न फसला.

अत्याचाराच्या घटनेनंतर आरोपी दत्तात्रय गाडे याने मुलीला मारहाण केली होती आणि ही घटना कोणालाही न सांगण्यास सांगितले होते. मिळालेल्या माहितीनुसार त्याने पीडितेला जीवे मारण्याची धमकीही दिली होती. पीडितेच्या वैद्यकिय तपासणीत हे स्पष्ट झाले आहे की, तिच्यावर दोनदा अत्याचार करण्यात आला. अत्याचारानंतर पीडित मुलगी ही फलटणच्या बसमध्ये बसून घरी जात होती. यावेळी तिच्या मित्राचा फोन आला आणि काय घडले ते संपूर्ण सांगितल्यानंतर तिच्या मित्राने स्वारगेट पोलिस ठाण्यात तक्रार देण्यास तिला सांगितले होते.