Dattatraya Gade arrested : पुण्यात स्वारगेट आगारात एका २६ वर्षीय मुलीवर शिवशाही बसमध्ये अत्याचार झाल्याची खळबळजनक घटना घडली. आरोपी दत्तात्रय गाडे हाच षडयंत्राचा सूत्रधार निघाला. पोलिसांनी ड्रोनच्या मदतीने त्याला शोधून ताब्यात घेतले. या घटनेमुळे पुण्यात मुली आणि महिलांच्या सुरक्षेच्या प्रश्नावर चिंता निर्माण झाली आहे.
रात्री दीडला मोठा थरार
शेवटी पोलिसांनी या आरोपीला ताब्यात घेतले आहे. मोठ्या थरारानंतर मध्यरात्री दीडच्या सुमारास त्याला पोलिसांनी ताब्यात घेतले. आरोपी दत्तात्रय गाडे हा गुणाट येथील ऊसाच्या शेतात लपून बसला होता. ड्रोनच्या माध्यमातून पोलिसांना तो दिसला. मात्र, रात्रीच्या अंधारात त्याला शोधण्यास पोलिसांना अडथळा येत होता. शेवटी अनेक प्रयत्न केल्यानंतर तो पोलिसांच्या ताब्यात आला. त्याला पुण्यात रात्रीच आणले गेले.
Dattatraya Gade : स्वारगेटचा नराधम दत्तात्रय गाडेची माहिती देणाऱ्यास बक्षीस, पुणे पोलिसांची मोठी घोषणापोलिसांनी अशा आवळल्या गाडेच्या मुसक्या
आज त्याला कोर्टात हजर केले जाईल. आरोपीला शोधण्यासाठी पोलिसांकडून तब्बल तेरा पथके तयार करण्यात आली होती. आरोपीचा ठिकाणा लागल्यानंतर गुणाट गावात पोलिसांचा मोठा फाैजफाटा दाखल झाला होता. आरोपी घटनेच्या इतक्या वेळानेही ताब्यात न आल्याने पोलिसांच्या कार्यक्षमतेवर प्रश्नचिन्ह उपस्थित केले जात होते. अखेर नराधम दत्तात्रय गाडे याला अटक करण्यात पोलिसांना मोठे यश आले.
आज कोर्टात केले जाणार हजर
मंत्री योगेश कदम यांनी त्या रात्री नेमके काय घडले, याची माहिती दिली आहे. या घटनेचे सर्व खापर त्यांनी स्वारगेटच्या खासगी सुरक्षारक्षकांवर फोडले आहे. पोलिस त्याठिकाणी गस्त घालत असल्याचा दावा योगेश कदम यांनी केला. या घटनेनंतर अनेक महिला या देखील आक्रमक होताना दिसल्या आहेत. शिवशाही बसमध्ये ही अत्याचाराची घटना घडल्याने पुण्यात मुली आणि महिलांच्या सुरक्षेचा प्रश्न निर्माण झाला.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा