तृप्ती देसाई काय म्हणाल्या?

लोकशाहीत आवाज उठवू शकत नाही का? मला कशाला अटक करताय? आरोपीला तातडीने अटक करा, अशी मागणी तृप्ती देसाई यांनी केली. पोलीस व्हॅनमध्ये बसतानाही तृप्ती देसाईंसह भूमाता ब्रिगेडच्या महिला कार्यकर्त्या ‘आरोपीला अटक झालीच पाहिजे’ अशा घोषणा देत होत्या.

योगेश कदम कुठल्या तोंडाने इथे सांगायला आलेत

लोकशाहीत जे आवाज उठवत आहेत, त्यांना अटक करत आहेत. तुमच्या घरात महिला नाहीयेत का? असा सवाल तृप्ती देसाईंनी पोलिसांना उद्देशून विचारला. पुण्यातील सगळ्या महिलांच्या मनात असुरक्षिततेची भावना निर्माण झाली आहे, भीतीचं वातावरण आहे. आरोपीला अटक होत नाही, ५० तास झाल्यावर इथे योगेश कदम आलेत, योगेश कदम कुठल्या तोंडाने इथे सांगायला आलेत, महिलांवर अत्याचार होत आहेत, पोलीस यंत्रणा काय करतेय, पीएमपीएलची यंत्रणा काय करतेय, आरोपीला अटक होत नाही, पण जे लोकशाही पद्धतीने आवाज उठवतोय… आम्हाला योगेश कदम यांना जाब विचारायचा होता, भेटायचं होतं, राज्यात काय चालू आहे विचारायचं होतं, त्यांनी भेटू दिलं नसतं, म्हणून आम्ही गाडीचे दरवाजे वाजवले आहेत, असं तृप्ती देसाई म्हणाल्या.
Pune Swargate Rape Case : हा माझ्याशी वाईट वागला हो, स्वारगेटच्या पीडितेने दत्तात्रयकडे बोट दाखवत एकाला सांगितलेलं; तो म्हणाला, वाईट लोक असतातच, तू…

गाडे सारखा साधा आरोपी सापडत नाही

आम्हाला जबरदस्ती ताब्यात घेतलंय, आरोपीला वेगळा न्याय, लोकशाही पद्धतीने जे आंदोलन करतात त्यांना वेगळा न्याय, आता जर आरोपीला अटक झाली नाही, तर आम्हाला कायदा हातात घ्यावा लागेल, मला वाटतंय गाडे सारखा साधा आरोपी सापडत नाही.. कसली यंत्रणा आहे, एक लाखाचं बक्षीस जाहीर करताय, लाखोंचे पगार पोलिसांना फुकट देतात का, पोलीस निष्क्रिय आहेत, असा आरोपही देसाईंनी केला.
Pune Crime Swargate Depot : घरात बायको-पोरं, लिफ्ट देऊन महिलांची लूट, निवडणूक लढून पडला; दत्तात्रय गाडेची कुंडली समोर

मुलीवर अतिप्रसंग होण्याची वाट पाहताय का?

राजकीय कनेक्शन आहे का माहिती नाही, पण राजकीय दबावामुळे अनेक प्रकरणं दाबली गेली आहेत. संतोष देशमुख प्रकरणात वाल्मिक कराड असो किंवा स्वारगेट प्रकरण, गाडे सरेंडर होण्याची वाट पाहताय का तुम्ही, आज महिला रात्रभर जाग्या आहेत, आपल्या लेकीबाळींवर अशी वेळ येऊ नये म्हणून घाबरल्या आहेत, तुम्हीही महिला कॉन्स्टेबल आहात ना, आपल्या मुलीवर अतिप्रसंग होण्याची वाट पाहताय का? उद्या तुमच्यावर, आमच्यावर ही वेळ येऊ शकते. मला ओढून नेलं तसं आरोपीला ओढून आणा ना, आरोपीला अटक करता येत नसेल, तर आमच्या ताब्यात द्या, आम्ही काय तो निकाल करु, मध्यवर्ती भागातून आरोप पळून जातो की पळवून नेला जातो, असे अनेक प्रश्न तृप्ती देसाई यांनी यावेळी उपस्थित केले.