न्यू इंडिया सहकारी बँकेच्या आर्थिक व्यवहारांवर रिझर्व्ह बँक ऑफ इंडियाने आर्थिक निर्बंध आणल्याने हजारो खातेदार आर्थिक आव्हानांनी हतबल झाले आहेत. या बँकेत विश्वासाने ठेवलेले पैसे परत मिळवणे खातेदारांसाठी अप्राप्य ठरणार की काय, अशी भीती निर्माण झाली आहे.
Bee Attack: कर्नाळा किल्ल्यावर मधमाशांचा पर्यटकांवर हल्ला; एकाचा मृत्यू, सात जखमी
रिझर्व्ह बँकेच्या नियमांनुसार खात्यातील रक्कम मिळण्याची प्रक्रिया होणार आहे. त्यात उपचारांवरील खर्च, शिक्षणासाठी फी आदी घटकांसाठी रक्कम मिळणार असल्याने संपूर्ण रक्कम मिळण्याविषयी अंधकार असल्याने खातेदार चिंतेत आहेत. न्यू इंडिया सहकारी बँकेस ५७ वर्षांचा इतिहास असून सर्वसामान्यांची बँक म्हणून ती ओळखली जायची. धडाडीचे कामगार नेते जॉर्ज फर्नांडिस यांच्या पुढकाराने स्थापन झालेल्या बँकेची आर्थिक स्थिती चांगली होती. मात्र, २०२०मध्ये बँकेतील जागरूक कर्मचाऱ्यांनी बँकेच्या आर्थिक व्यवहारांमध्ये घोटाळा होत असल्याचे रिझर्व्ह बँकेच्या निदर्शनास आणून दिले होते. तेव्हाच रिझर्व्ह बँकेने प्रशासक नेमणे आवश्यक होते. परंतु, त्याऐवजी रिझर्व्ह बँकेने आर्थिक निर्बंध लादले.
तुमच्याकडे परिवारवाद, तर आमचा महाराष्ट्रवाद! एकनाथ शिंदे यांची रत्नागिरीतून ठाकरेंवर टीका
आता लवकरच नियमानुसार तिथे प्रशासकाची नेमणूक होईल. मात्र, यापूर्वीच प्रशासक नेमून त्यामार्फत आर्थिक नियोजन केले असते तर गेल्या चार वर्षांत बँकेची आर्थिक स्थिती मार्गी लागली असती, असाच सूर व्यक्त केला जात आहे. तसे न झाल्याने आताची परिस्थिती ओढवल्याची प्रतिक्रिया राज्य सहकारी बँकेचे अध्यक्ष विद्याधर अनास्कर यांनी दिली.

माजी महाव्यवस्थापक हितेश मेहता यांना अटक
मुंबई : न्यू इंडिया बँकेत १२२ कोटी रुपयांची अफरातफर करण्यात आल्याचे उघडकीस आले आहे. हा घोटाळा केल्याचा आरोप असलेले बँकेचे माजी महाव्यवस्थापक हितेश मेहता यांना शनिवारी आर्थिक गुन्हे शाखेने अटक केली.