हा CCTV मस्साजोगचे सरपंच संतोष देशमुख हत्या प्रकरणातील आहे… संतोष देशमुख प्रकरणात दररोज नवनवीन अपडेट हाती येत असताना आज आणखी एक सीसीटीव्ही व्हिडिओ समोर आलाय… ९ डिसेंबर २०२४ हा व्हिडिओ आहे… ज्या दिवशी संतोष देशमुख यांची हत्या केली गेली. या १८ सेकंदाच्या व्हिडिओमध्ये संतोष देशमुख हत्या प्रकरणातील मारेकरी स्कार्पिओ सोडून रस्त्याने पळून जाताना दिसत आहेत. पाठीमागे पोलीस असताना देखील पोलिसांच्या समोर हे आरोपी पळून कसे गेले असा प्रश्न उपस्थित केला जात आहे. स्कार्पिओ रस्त्यावर सोडूनच हे सर्व आरोपी पळताना या व्हिडिओ दिसत आहेत… दरम्यान बीड मस्साजोगचे सरपंच संतोष देशमुख हत्या प्रकरणाला दोन महिने पूर्ण झालेत. हत्याप्रकरणातला आरोपी कृष्णा आंधळे अजूनही फरार असल्याची माहिती आहे. संतोष देशमुख हत्याप्रकरणातील तपासावर देशमुख कुटुंबियांनी नाराजी दर्शवलीय. कृष्णा आंधळेला अटक कधी होणार? असा सवाल धनंजय देशमुख देखील वारंवार उपस्थित करतायंत. घटनेनंतर १४ तारखेपर्यंत आरोपींचे मोबाईल सुरू होते, सुरूवातीलाच त्यांच्या मोबाईलची चौकशी का झाली नाही असा सवालही धनंजय देशमुखांनी उपस्थित केलाय. आता या CCTV व्हिडिओनंतर तपास आणखी पुढे जाणार का? आरोपींचा शोध कधीपर्यंत सुरु राहणार हे पाहावं लागेल….