मुंबईत कशा पोहोचल्या महिला?

मीरा भाईंदर वसई विरार पोलिसांच्या (एमबीव्हीव्ही) अँटी ह्युमन ट्रॅफिकिंग सेलच्या (एएचटीसी) माहितीनुसार, या दोन्ही महिला बांगलादेशी आहेत. हे दोघेही गेल्या २० वर्षांपासून पासपोर्ट आणि व्हिसाशिवाय मीरारोडमध्ये बेकायदेशीरपणे राहत होते. पोलिसांनी दिलेल्या माहितीनुसार, एका गुप्त माहितीच्या आधारे, पोलिसांच्या मानव तस्करी विरोधी पथकाने भाईंदर पश्चिमेतील गोकुळ गावाजवळील एका इमारतीवर छापा टाकला होता आणि तेथे असणाऱ्या दोन महिलांना ताब्यात घेतले. आता त्या येथे कशा आल्या याचा तपास पोलीस करत आहेत. याशिवाय, त्या जेथे भाड्याने राहत होत्या च्या घराचे मालक आणि त्यांच्या रोजगाराच्या स्रोतांची माहिती सध्या गोळा केली जात आहे.
Coins In Stomach: तरुणाला वेदना असह्य, डॉक्टरांकडून लगेच ऑपरेशन; पोटात सापडली ३३ नाणी अन् समोर आली भयानक कहाणी
महाराष्ट्र पोलिसांनी महाराष्ट्रातील विविध जिल्ह्यांमध्ये बेकायदेशीर बांगलादेशींविरुद्ध मोहीम सुरू केली आहे. या मोहिमेत दररोज बेकायदेशीर बांगलादेशींव कारवाई केली जात आहे. २०२४ मध्ये, मीरा-भाईंदर, वसई-विरार पोलीस आयुक्तालयाच्या अंतर्गत मानवी तस्करी, नालासोपारा युनिटच्या पथकाने २९ बेकायदेशीर बांगलादेशींवर कारवाई केली होती, ज्यात १२ महिला आणि १७ पुरुषांचा समावेश होता. यावर्षी जानेवारीमध्ये बेकायदेशीरपणे वास्तव्य करणाऱ्या चार बांगलादेशी नागरिकांवर कारवाई करण्यात आली. यामध्ये २ पुरुष आणि २ महिलांचा समावेश आहे. महाराष्ट्रात बेकायदेशीर स्थलांतरितांविरुद्ध पोलिसांकडून रँडम पद्धतीने तपासणी केली जात आहे. दरम्यान चार दिवसांपूर्वी ठाण्यातून चार बांगलादेशी महिलांना अटक करण्यात आली होती. त्यानंतर आताची ही मोठी कारवाई आहे.