कसा केला जाईल एआयचा वापर

राज्याच्या कृषी विभागाला प्रकल्पाच्या तांत्रिक आणि आर्थिक व्यवहार्यतेचं मूल्यांकन करण्यासाठी सहकार विभागासोबत जवळून काम करण्याचं निर्देश अजित पवारांनी दिले आहेत. शेतीच्या क्षेत्रात एआयच्या वापराबाबत अजित पवारांनी सांगितलं, पीक स्थिती, मातीची कार्बन पातळी आणि मातीची स्थिती यासारख्या महत्त्वाच्या घटकांवर एआय वापरून परीक्षण केलं जाऊ शकतं. कृषी क्षेत्रात प्रायोगिकपणे एआयचा वापर करून उत्पादकता वाढवू शकतो आणि शेतकऱ्यांसाठी उत्पादन खर्च कमी करू शकतो. एआयचा हा वापर शेतकऱ्यांसाठी व्यावहारिक आणि आर्थिकदृष्ट्या परवडणारा असावा, असंही ते म्हणाले.

Ajit Pawar : केवळ उत्तर प्रदेश, बिहारचे नाही तर महाराष्ट्रात…. बांगलादेशींच्या घुसखोरीवर अजित पवारांचं मोठं विधान

खर्च कमी करण्यास AI फायदेशीर ठरेल

जगभरात AI विविध क्षेत्रात क्रांती करत आहे. यात कृषी क्षेत्रंही मागे राहू नये. उत्पादन खर्च कमी करताना उत्पादकता वाढवण्यात AI महत्त्वाची भूमिका बजावू शकतं. बदलतं हवामान, अवकाळी पाऊस, कीटकांचा प्रादुर्भाव तसंच कामगार यासारख्या आव्हानांना सामोरं जात असताना येत्या काही वर्षांत, एआय शेतकऱ्यांसाठी महत्त्वाचं ठरेल. AI द्वारे ही प्रगती अधित अचूक शेतीच्या पद्धती आणि उत्तम व्यवस्थापनासाठी फायदेशीर ठरेल.

कापणीच्या कार्यक्षमतेत सुधारणा करून, रासायनिक खतं आणि कीटकनाशकांचा वापर कमी करण्यासाठी AI ची मदत करता येईल. त्याशिवाय AI शेतकऱ्यांना श्रम आणि खर्च वाचवण्यातही मदत करेल, एआय शेतीसाठी अधिक टिकाऊ आणि फायदेशीर ठरेल, असंही अजित पवार म्हणाले.