सन २००३ च्या सिंहस्थादरम्यान जुन्या शाही मार्गावर एका साधूने चांदीची नाणी उधळल्याची वार्ता पसरली अन् ती नाणी वेचण्यासाठी एकच गर्दी उसळली. त्यानंतर येथे चेंगराचेंगरी झाली होती. सिंहस्थातील त्या घटनेतून बोध घेत सन २०१५ मधील सिंहस्थात प्रशासनाने साधूंच्या मार्गास पर्यायी व्यवस्था करीत तोडगा काढल्याने हा सिंहस्थ सुखरूप झाला होता. आता सन २०२७ मध्ये पुन्हा नाशिकला सिंहस्थ भरणार आहे. या पार्श्वभूमीवर प्रशासनालाही प्रयागराजची घटना आणि सन २००३चा कटू अनुभव यामुळे सावध रहावे लागणार आहे.
अरे हे काय? बुलढाण्यात गरोदर महिलेच्या सोनोग्राफी रिपोर्टने डॉक्टरही चकित, गर्भाच्या पोटात दिसलं भलतंच
दरम्यान, महापालिका प्रशासनाने जून २०२४ मध्ये सिंहस्थ विकास आराखड्यावर काम सुरू केले होते. तत्कालीन महापालिका आयुक्त डॉ. अशोक करंजकर यांनी पंचवटीतील गंगाघाट, काळाराम मंदिर परिसराची अधिकाऱ्यांसह पाहणीही केली होती. सन २००३ मध्ये सिंहस्थात झालेली चेंगराचेंगरीची दुर्घटना विचारात घेऊन काळाराम मंदिर ते सरदार चौक यादरम्यानचा जुना शाही मार्ग १२ मीटर रूंद करण्याच्या दृष्टीने आयुक्तांनी पाहणी केली होती. या चेंगराचेंगरीची चौकशीही रमणी आयोगाकडून करण्यात आली होती. हा मार्ग ३० मीटर रुंदीकरण करण्याची शिफारस आयोगाने तेव्हा केली होती. मात्र, या मार्गावर मोठ्या संख्येने जुने वाडे, दुकाने, घरांसह काही प्राचीन मंदिरे आहेत.
राज्यात घरे-मालमत्ता महागणार! स्वप्नाच्या घरासाठी आता मोजावी लागतील जास्त पैसे, कारण…
यामुळे स्थानिक रहिवाशांसह लोकप्रतिनिधींचाही विरोध असल्याने गत सिंहस्थाताबाबत कारवाई करण्यात आली नव्हती. गतवर्षी प्रशासनाने या शाहीमार्ग रुंदीकरणासाठी चाचपणी केली असली तरीही नवे भूसंपादन आणि रहिवाशांचे पुनर्वसन, प्राचीन मंदिरांचा प्रश्न हे मुद्दे नाजूक असल्याने भविष्यात यादृष्टीने हालचाली झाल्यास नागरिकांचा तीव्र विरोध होण्याची शक्यता आहे.