राम खाडे यांनी मुख्यमंत्री देवेंद्र फडणवीस यांना दिलेल्या निवेदनात म्हटलंय, की आमदार सुरेश धस यांच्या विरोधातील भ्रष्टाचाराची, गुन्हेगारीची सर्व प्रकरणं उच्च न्यायालयात कार्यवाहीसाठी प्रलंबित आहेत. महसूल प्रशासन पोलीस प्रशासनामार्फत कायद्याने कोणतीही कारवाई होत नसल्याने, तपासात राजकीय हस्तक्षेप होत असल्याने उच्च न्यायालयात रि-पिटीशन दाखल केलेली आहे. या यंत्रणेवर दबाव आणण्यासाठी, त्यांच्यावर दहशत ठेवण्यासाठी संतोष देशमुख यांच्या निर्घृण हत्येच्या माध्यमातून पोलिसांची तपासाची भूमिका ते जाहीर सभेत मांडत आहेत. पोलिसांना अप्रत्यक्ष आदेश देत आहेत.
Nanded News : मासे पकडण्यासाठी गेले आणि नको ते घडलं, एकाचा पाय जाळ्यात, तर दुसरा… नांदेड शहरात हळहळ
आमदार सुरेश धस हे देवस्थान जमीन घोटाळा प्रकरणातील मुख्य आरोपी असून त्यांनी मीडियासमोर त्यांच्यावर झालेल्या सर्व आरोपातून क्लिनचिट देण्यात आली आहे, असं मीडियावर सांगून जनतेची आणि प्रशासनाची दिशाभूल केली आहे. पोलीस उपाधिक्ष, लाचलुचपत प्रतिबंधक विभाग बीड यांनी FIR नुसार तपास केलेला नसताना, तपासासाठी वरिष्ठावरुन परवानगी मिळाली नसताना, त्यांना क्लिनचिट कोणी दिली? प्रकरणात देवेंद्र फडणवीस तत्कालीन गृहमंत्री यांना मदत करुन वाचवलं आहे, हे जाहीर कबूल केलं आहे. देवस्थान इनाम जमीन घोटाळा प्रकरणात उच्च न्यायालयात खंडपीठ औरंगाबाद येथे रि-पिटीशन नंबर १७४१/२०२३ जनहित याचिका क्रमांक ७३/२०२३ आणि उच्च न्यायालय मुंबई येथे मुंबई जिल्हा मध्यवर्ती सहकारी बँक घोटाळा प्रकरणात रि-पिटीशन २०२५ या तिनही याचिका न्यायप्रविष्ठ असून आमदार धस यांच्यांशी निगडित असल्याचं राम खाडे म्हणाले.
जुना वाद जीवावर बेतला, संपूर्ण कुटुंबावर चाकू, कोयत्याने हल्ला; तरुणाच्या मृत्यूने जळगाव हादरलं
गेले २० वर्षापासून ते लोकप्रतिनिधी म्हणून कार्यरत असताना संपूर्ण मतदारसंघात एकही विकासाचा मोठा प्रकल्प झालेला नाही, जिल्हा परिषद, पंचायत समिती, नगरपंचायती देवस्थान ट्रस्ट, देवस्थानच्या इनाम जमिनी, शासनाच्या जमिनी सहकार विभागाच्या जमिनी यांनी चोरुन खाल्ल्या आहेत. गुंडगिरी आणि दादागिरी करून, बोगस मतदान करून बूथ ताब्यात घेऊन पैसे वाटून हे कायम सत्तेत राहिले आहेत. या सर्व गैरप्रकारच्या विरोधात मी सातत्याने संघर्ष करत आहे. तक्रारीमुळे शासनाच्या कोट्यवधी रुपयांचं आर्थिक नुकसान होत आहे. माझ्या तक्रारीमुळे शासनाच्या निधीची होणारी लूट थांबत आहे. त्यांच्या दलाकडून जीवितास धोका आहे. ते गुंडांना सुपारी देऊन हल्ला करण्यास भाग पाडतात, याची पोलीस प्रशासनाने नोंद घ्यावी, माझी पोलीस सुरक्षा काढून घेतल्यामुळे माझ्यावर खोटे गुन्हे दाखल होण्याची शक्यता आहे, माझ्या लढाईस अडथळा निर्माण होऊ शकतो, असं राम खाडे यांनी सांगितलं आहे.

यापूर्वी माझ्या राहत्या घरी पोलीस संरक्षण असताना वाहन जाळण्याचा प्रयत्न झालेला आहे. माझी पोलीस सुरक्षा राजकीय हेतूने दबावाचा वापर करून कमी करण्यात आली आहे. तालुक्यातील कायदा सुव्यवस्थेबाबत आढावा घेण्यात यावा. विरोधकांना संपवण्यासाठी हे कोणत्याही थराला जाऊ शकतात. त्यामुळे मला पुर्ववत पोलीस संरक्षण देण्यात यावं, अशी मागणी मुख्यमंत्री देवेंद्र फडवणीस यांच्याकडे दिलेल्या निवेदनाद्वारे राम खाडे यांनी केली आहे.