पुणे: घरगुती वाद हा कोणाच्या घरात नवीन नाही. पत्नी आणि पती यांच्यामध्ये सातत्याने किरकोळ वाद होत असतात. अगदी क्षुल्लक कारणावरून वाद हा टोकाला जातो आणि त्याचा शेवट हा अत्यंत वेदनादायी होतो. असाच एक वाद पुण्यातल्या हडपसर येथे राहणाऱ्या एका दाम्पत्यासोबत घडला आहे. मात्र, हा छोटासा वाद थेट पोलिस ठाण्यात पोहोचला.
पती रोज जेवणामध्ये त्रुटी काढतो म्हणून पत्नीने रागात येऊन पतीवर कांदा कापत असलेल्या सुरीने वार केलाची घटना घडली आहे. या विरोधात पत्नीवर हडपसर पोलिस ठाण्यात गुन्हा दाखल करण्यात आला आहे.
पती रोज जेवणामध्ये त्रुटी काढतो म्हणून पत्नीने रागात येऊन पतीवर कांदा कापत असलेल्या सुरीने वार केलाची घटना घडली आहे. या विरोधात पत्नीवर हडपसर पोलिस ठाण्यात गुन्हा दाखल करण्यात आला आहे.
आई-वडिलांचं दु:ख संपेना, आधी लेकाला करोनाने हिरावलं, आता मुलगीही गेली; टेम्पोखाली चिरडून अंत
नमिता श्रवण माने (वय ३३ रा. झेड कॉर्नर मांजरी) असं वार करणाऱ्या पत्नीचं नाव आहे. तर श्रवण माने (वय ३३ रा. झेड कॉर्नर मांजरी ) असं वार झालेल्या पतीच नाव आहे.
या घटनेबाबत अधिक माहिती अशी की, माने कुटूंब हे हडपसर येथे राहतात आहे. ज्या प्रकारे इतर नवरा बायकोमध्ये भांडण होतात त्याच प्रकारे या दोघांमध्येही भांडण होत असतं. पण, दररोज सातयत्याने जेवण बनवण्यावरून त्यांच्यात वाद व्हायला लागले. पती रोज जेवणामध्ये त्रुटी काढत असतो याचा राग नमिता यांच्या मनात होता.
१ फेब्रुवारीलाही असंच काहीसं घडलं. रात्री साडेबाराच्या सुमारास पती घरी आल्यानंतर त्याने पाहिलं की पत्नी जेवण बनवत होती. हे पाहून नवऱ्याला राग आला. एवढी रात्री होऊन सुद्धा अजून जेवण तयार नाही झालं, यावरून त्यांच्यात वाद झाला. त्यानंतर नवरा जेवायला बसला तेव्हा नेहेमीप्रमाणे त्याने जेवणात त्रुटी काढली. आता मात्र, नमिता यांचा राग अनावर झाला आणि त्या कांदा कापत असलेल्या सूरीने त्यांनी नवऱ्यावरच्या हातावर वार केला. या घटनेत नवरा जखमी झाला. त्यानंतर नमिता यांच्याविरोधात हडपसर पोलिस ठाण्यात गुन्हा दाखल करण्यात आला आहे.