उद्धव ठाकरे म्हणाले की, अनेक लोक खुर्चीसाठी वेडे असतात. खुर्ची स्वप्नात दिसते. खुर्चीसाठी वेडे होतात. अनेक वेडे असे असतात की आज मंत्री होईल, उद्या मंत्री होईल म्हणून जॅकेट शिवतात. नॅपकिन नवीन घेतात. हे पालकमंत्री नको म्हणून नाराजी व्यक्त करतात. अरे पुन्हा त्याच पालकमंत्र्यांना डोक्यावर घेऊन घाम पुसत त्यांना फिरावे लागतं, असा टोला त्यांनी पुन्हा आमदार भरत गोगावले यांना लगावला आहे.

मला मुख्यमंत्री पदाच्या खुर्च्यावरून उतरवलं. पण शिवसेनेला पूर्वजांचा मुलगा जर का पदावर बसला तर घराणेशाही या घराणेशाहीवर मी बोलणारच आहे. पंतप्रधान बोलून गेले की आम्हाला घराणेशाही नको आहे. याचा आनंद आहे मी त्यांचे स्वागत केलं. पण मी परवा कल्याण मतदारसंघात असताना कल्याणचा खासदार कोण छोटा गद्दार आणि त्याचे वडील कोण मोठा गद्दार, असं सांगत तुम्हाला गद्दारांची घराणेशाही चालते का? असा सवाल त्यांनी पंतप्रधान नरेंद्र मोदी यांना उपस्थित केला. मुंबईत १९ रोजी पंतप्रधान नरेंद्र मोदी मुंबईतील सागरी महामार्गाच्या पुलाच्या उद्घाटनासाठी येत आहेत. पण हा मार्ग पूर्ण झाला आहे का पहा. हे सगळे टोलभैरव आहेत, अशीही टीका त्यांनी सरकारवर केली आहे.