स्पर्धा आटोपली आणि जिथे ही स्पर्धा झाली त्या संकुलाकडे प्रशासनाचे दुर्लक्ष झालं. वेळेवर विद्युत देयकाची भरणा न केल्याने या क्रीडा संकुलाचा विद्युत पुरवठा आज दुपारपासून खंडित करण्यात आला आहे. स्पर्धेच्या निमित्ताने भव्य दिव्य अशी रोषणाई करण्यात आली. त्यामुळे विद्युत देयक लाखांच्या वर गेलं. २ लाख ९ हजार १०० रुपयाचे देयक थकीत आहे. देयक भरलं गेलं नाही. त्यामुळे विद्युत पुरवठा खंडित करण्यात आला. एका नेत्याच्या अट्टहासाने या क्रीडा संकुलात क्रीडा स्पर्धेची तयारी करणाऱ्या खेडाळूवर मात्र संकट ओढावलं आहे.

मंत्री सुधीर मुनगंटीवार सध्या विश्वविक्रम करण्यात व्यस्त आहेत. खिचडीचा विक्रमाची अद्याप चर्चा संपलेली नसताना आता दीप महोत्सव महायज्ञाची तयारी सुरू झाली आहे. पत्रकार परिषदेतून तशी माहिती मुनगंटीवार यांनी आज दिली. जिल्हातील तीस गावावर जलसंकट कोसळलं आहे. तर जिल्ह्यात अनेक समस्या उभ्या आहेत. खरंतर या समस्या सोडविण्यासाठी जिल्हा प्रशासनाने लक्ष द्यायला हवं. तसं होताना दिसत नसल्याने नागरिकात रोष आहे.