यावेळी पीडितेने घडलेला संपूर्ण प्रकार काकांसमोर मांडला. याची माहिती पीडितेच्या काकूंना मिळताच तिने पुढाकार घेत पीडितेला साकोली पोलीस ठाण्यात नेले आणि याची तक्रार नोंदवली. तक्रारीत पीडितेने सांगितले की, तिच्या आई आणि वडिलांनीच पैसे कामविण्याच्या लालसेपोटी तिला ओळखीतील काही इसमांसोबत शारीरिक संबंध प्रस्थापित करण्यास भाग पाडले. हा प्रकार वाढत गेला आणि गेल्या महिन्याभरामध्ये कधी गावातील घरीच आई-वडिलांसमक्ष तर कधी साकोली तर कधी वेगवेगळ्या ठिकाणी तिच्यावर कधी एकांतात तर कधी सामूहिकरित्या अत्याचार करण्यात आले. विरोध केल्यास पीडितेला मारहाण करत अत्याचार करण्यात आले. या प्रकरणाची तक्रार दाखल होताच साकोली पोलिसांनी कारवाईला सुरुवात केली.

पीडितेच्या आई-वडिलांसह सहा जणांना अटक केली असून यातील एक आरोपी फरार असून त्याचा पोलीस शोध घेत आहे. साकोली पोलीस स्टेशनमध्ये या प्रकरणाची तक्रार दाखल झाली असून आई वडिलांनी पैशासाठी स्वतःच्या मुलीला बळजबरीने विकून शारीरिक अत्याचार घडवून आणण्याचा हे गंभीर प्रकरण समोर आल्याने त्याची चौकशी केली असता त्यात सात आरोपी असल्याचे निष्पन्न झाले. त्यातील आई-वडिलांसह सहा जणांना अटक करण्यात आली असून सातवा आरोपी फरार असून त्याचा शोध सुरू आहे, अशी महिती भंडारा दिल्हा पोलीस अधीक्षक लोहित मतानी यांनी दिली.