नागपूर : काचेची बाटली फोडून गळ्यावर वार केल्यानंतर ट्रकखाली उडी घेऊन ३० वर्षीय युवकाने आत्महत्या केली. ही थरारक घटना हुडकेश्वर पोलीस ठाण्याच्या हद्दीतील बेसा पॉवर हाऊस चौकात घडली. शेख नसरू (३० वर्ष) असं मृतकाचे नाव आहे. मृतक हा त्याच्या आईसोबत ताजबाग परिसरात राहत असून तो स्वयंपाक घरात लागणारे साहित्य तयार करून त्याची विक्री करण्याचे काम करत होता. तर मृतकाची आई ही ताजबाग परिसरातच भीक मागते. त्याला दारूचे व्यसन होते. काम करून मिळालेला पैसा तो दारूत उडवत असे. जवळचे पैसे संपल्यावर मृतक त्याच्या आईकडे दारुसाठी पैसे मागायचा त्यामुळे त्यांच्यात नेहमी भांडणही होत होते.

मिळालेल्या माहितीनुसार, शुक्रवारी १२ वाजताच्या सुमारास मृतक शेख नसरू हा बेसा पॉवर हाऊस चौकातील टपरीवर बसला होता. अचानक त्याने तिथे असलेली काचेची बाटली फोडून त्या फुटलेल्या बाटलीने स्वतचाच गळ्यावर वार केले. याच दरम्यान त्याचा बाजूला बसून नास्ता करत असलेला इसम राजू मदनलाल गौतम (वय ३८ रा. न्यू नरसाळा) याने त्याला ”तू हे काय करत आहे”, असं म्हणत हटकले.

शरद पवार हेच मराठा आरक्षणाचे सर्वात मोठे विरोधक, त्यांनी फायद्यासाठी समाजांना झुंजवत ठेवलं: देवेंद्र फडणवीस
याचदरम्यान मृतक शेख नसरू हा युवक तेथून पळून ट्रकसमोर धाव घेवून ट्रकला धडकला आणि खाली पडून बेशुध्द झाला. घटनेची माहिती मिळताच हुडकेश्वर पोलीस तेथे पोहोचले. पोलिसांनी जखमीला मेडिकल कॉलेज हॉस्पिटलमध्ये दाखल केले असता डॉक्टरांनी तपासून त्याला मृत घोषित केले. हुडकेश्वर पोलिसांनी आकस्मिक मृत्यूची नोंद करून तपास सुरू केला आहे.

मुंबईकरांना दिलासा, परळ टीटी उड्डाणपुलावरुन प्रवास करणं सुखकर होणार, बीएमसीकडून मोठी अपडेट