नागपूर: प्रवाशांना घेऊन सुसाट जाणाऱ्या बॅटरी कारच्या धडकेत दोघे जण जखमी झाले असून, त्यांना इंदिरा गांधी शासकीय रुग्णालयात (मेयो) दाखल करण्यात आले आहे. ही घटना आज सकाळी आठ वाजता नागपूर रेल्वे स्टेशनवर घडली. आतिफ (वय २५) असे जखमीचे नाव आहे, ते अकोला येथील रहिवासी आहेत. या अपघातात एक वृद्ध जखमी झाला असून त्याचे नाव कळू शकले नाही.
आतिफ यांच्या बहिणीचे आज सायंकाळी अकोला येथे लग्न आहे. त्यामुळे ते काल नागपुरात राहणाऱ्या विवाहित बहिणीला अकोला येथे घेऊन जाण्यासाठी आले होते. काल सायंकाळीच ते जाणार होते. मात्र, ज्या गाडीचे आरक्षण होते ती चुकली. त्यामुळे आज सकाळी ७.३० वाजता आतिफ, त्यांची बहीण, बहिणीचा नवरा असे सारेच रेल्वे स्टेशनवर आले. आरक्षण नसल्याने करंट तिकीट घेऊन ते मुख्य प्रवेश द्वार आणि प्लॅटफॉर्म क्रमांक १ यांच्यामध्ये असलेल्या जागेत अकोल्याला जाणाऱ्या गाडीची चौकशी करत होते.
आतिफ यांच्या बहिणीचे आज सायंकाळी अकोला येथे लग्न आहे. त्यामुळे ते काल नागपुरात राहणाऱ्या विवाहित बहिणीला अकोला येथे घेऊन जाण्यासाठी आले होते. काल सायंकाळीच ते जाणार होते. मात्र, ज्या गाडीचे आरक्षण होते ती चुकली. त्यामुळे आज सकाळी ७.३० वाजता आतिफ, त्यांची बहीण, बहिणीचा नवरा असे सारेच रेल्वे स्टेशनवर आले. आरक्षण नसल्याने करंट तिकीट घेऊन ते मुख्य प्रवेश द्वार आणि प्लॅटफॉर्म क्रमांक १ यांच्यामध्ये असलेल्या जागेत अकोल्याला जाणाऱ्या गाडीची चौकशी करत होते.
पप्पा, आता मला छळ असह्य होत आहे, वडिलांना इतकं बोलून उच्चशिक्षित लेकीचं सासरी टोकाचं पाऊल
त्याचवेळी प्रवाशांना प्लॅटफॉर्म १कडे घेऊन जाणाऱ्या बॅटरी कारने त्यांना धडक दिली, यात आतिफ यांच्या पायाला गंभीर इजा झाली. तसेच, आणखी एक वृद्ध जखमी झाला. आतिफ यांच्याने उभे राहणे देखील शक्य नव्हते. त्यामुेळे तेथे उपस्थित रेल्वे कूली संघाचे अध्यक्ष अब्दुल मजीद आणि त्यांच्या सहकाऱ्यांनी आतिफ यांना उचलून रेल्वे स्टेशनवरील प्राथमिक उपचार केंद्राला नेले. तेथील डॉक्टरांनी त्यांना मेयो रुग्णालयात दाखल करण्याचा सल्ला दिला. त्यामुळे सधया आतिफ आणि जखमी वृध्द या दोघांनाही मेयो रुग्णालयात दाखल करण्यात आले आहे.
या प्रकारची तक्रार रेल्वे स्टेशन मॅनेजरकडे करण्यात आली आहे. या बॅटरी चालकावर कारवाई करावी, अशी मागणी आतिफ यांचे नातेवाईक सैय्यद इमरान यांनी केली. रेल्वे स्टेशन नेहमीच गजबजले असते, त्यात बॅटरी कार भरधाव नेल्या जातात. गेल्या महिन्यात अशीच एक बॅटरी कार प्लॅटफॉर्म क्रमांक दोन वरून थेट रुळावर कोसळली होती. त्यावेळी रेल्वे गाडी येत नसल्याने अनर्थ टळला. मात्र, प्लॅटफॉर्म वरून जातांना बॅटरी कारची सतत भीती वाटत असते, अशी भावना प्रवासी व्यक्त करीत आहेत.
डोक्यावर नागराजासारखा मुकूट, १००० वर्ष जुनी माया योद्ध्याची मूर्ती सापडली, पाहून पुरातत्वशास्त्रज्ञ चकित
Read Latest Maharashtra News And Marathi News