मुंबई दि. १ : भारत सरकार मॅट्रीकोत्तर शिष्यवृत्ती योजना, राज्य शासनाची शिक्षण शुल्क, परिक्षा शुल्क प्रतिपूर्ती योजना, राजर्षी शाहू महाराज गुणवत्ता शिष्यवृत्ती आणि व्यावसायिक अभ्यासक्रमात शिकत असलेल्या अनुसूचित जाती, विजाभज, इमाव व विमाप्र प्रवर्गाच्या मुला-मुलींना निर्वाह भत्ता (विद्यावेतन) इ. योजनांसाठी अर्ज मागविण्यात येत आहेत.

शैक्षणिक वर्ष सन २०२३-२४ साठीचे अर्ज https://mahadbt.maharashtra.gov.in/Login/Login या महाडीबीटीपोर्टलवर ११ ऑक्टोबरपासून भरता येत असल्याची माहिती समाज कल्याणचे सहाय्यक आयुक्त प्रसाद खैरनार यांनी दिली आहे.

सामाजिक न्याय व विशेष सहाय्य विभागामार्फत राबविण्यात येणाऱ्या या योजनांचा लाभ घेण्यासाठी मुंबई शहरातील शिक्षणक्रमात प्रवेश घेतलेल्या अनुसूचित जाती, इमाव, विजाभज व विमाप्र प्रवर्गातील विद्यार्थी यांनी अचूक अर्ज भरावेत तसेच सर्व प्राचार्य, कर्मचारी यांनीही शिष्यवृत्तीचे अर्ज अचूक व तत्काळ सादर करण्याचे आवाहन सहाय्यक आयुक्तांनी केले आहे.

०००

श्रद्धा मेश्राम/ससं/