अमित दोघांमध्ये मध्यस्ती करण्याचा प्रयत्न करत होता. अमितची आई ही नेहमी होणाऱ्या भांडणाची तक्रार पोलिसात करायला जाते म्हणून निघून गेली. वडील आणि बहीण सकाळी कामावर निघून गेले होते. त्यानंतर दोघांमधला वाद शिगेला पोहचला. या रोजच्या भांडणाला कंटाळून आरोपी अमित भोयरने मंगळवारी सकाळी साडेआठ वाजण्याच्या सुमारास घरात ठेवलेल्या निंजा चाकूने गळ्यावर जोरदार वार करून आपल्या पत्नीचा खून केला. रक्ताच्या थारोळ्यात दुलेश्वरी तडफडत होती. ती मेल्याची खातरजमा केल्यानंतर अमितने आपल्या मित्राला फोन करून माहिती दिली. नंतर मित्रासोबत कन्हान पोलीस स्टेशनला जाऊन अमितने आत्मसमर्पण केले.

घटनेची माहिती मिळताच कन्हान पोलीस ठाण्याचे अधिकारी सार्थक नेहेते हे त्यांच्या पथकासह घटनास्थळी पोहोचले. मृतदेहाचा पंचनामा करून तो शवविच्छेदनासाठी कामठी उपजिल्हा रुग्णालयात पाठवण्यात आला. या जोडप्याला सात माहिन्यांची मुलगी आहे. सदर घटनेचे गंभीर्य लक्षात घेत नागपूर ग्रामीण अप्पर पोलीस अधिक्षक डॉ. संदीप पखाले यांनी घटनास्थळी भेट देऊन उचित कार्यवाहीचे निर्देश दिले. याप्रकरणी कन्हान पोलीस पुढील तपास करत आहे.