संशयीत आरोपी सचिन हा ऋतुजावर प्रेम करत होता. तो ऋतुजाच्या मागे लग्न कर म्हणत होता पण घरच्यांनी तिचा विवाह समाधान कोळेकर सोबत केला होता. मात्र लग्नानंतर दोनच वर्षांनी ऋतुजा आणि समाधान यांच्यात वाद होत दोघांमध्ये घटस्फोट झाला होता.या घटस्फोटाला संचिन गडदे कारणीभूत होता.त्यानंतर पुन्हा ऋतुजाचा व सचिन गडदे यांचा संपर्क झाला होता. तेव्हाही तो माझ्याबरोबर लग्न कर असा दबाव टाकत होता.ऋतुजाने सचिन सोबत संपर्क कमी करत समाधान कारंडे (रा. कारंडेवाडी ता सांगोला जि सोलापूर) याच्याबरोबर तिचे प्रेम संबंध निर्माण झाले होते. ऋतुजा आणि समाधान दोघे पळून जाऊन लग्न करणार होते, अशी प्राथमिक माहिती समोर आली आहे.ही बाब समोर आल्याने आणि ऋतुजा हिचे संबंध दुसऱ्याबरोबर असल्याचे समजल्याने सचिन गडदे हा ऋतुजावर चिडून होता.
ऋतुजा सचिन गडदेशी लग्न करण्यास तयार नसल्याने तो तिच्यावर चिडून होता.त्यामुळे संशयित आरोपी सचिनने डाव साधला.ऋतुजा शनिवारी सायंकाळी घरात एकटीच होती.ऋतुजाची आई दूध डेअरीवर कामावर गेली होती. वडील मूकबधीर आहेत याचा फायदा घेऊन संशयित आरोपी सचिनने घातक हत्यारांनी गळ्यावर हातावर वार करून तिचा खून केला, अशी फिर्याद मृत ऋतुजाचे मामा पांडूरंग दाजीराम सरगर यांनी सांगोला पोलीस ठाण्यात दिली आहे.याबाबतचा अधिक तपास पोलीस निरीक्षक अनंत कुलकर्णी करत आहे.