‘न्यायप्रविष्ट विषयात बोलणे योग्य नाही. विधानसभेच्या नियमांनुसार निर्णय दिला जाईल. राज्यघटनेतील तरतुदींचे पालन करून योग्य निर्णय घेऊ. प्रक्रियेचे पालन करू. पुढच्या सुनावणीबाबत योग्य निर्णय घेऊन याचिकाकर्त्यांना सांगू’, असेही त्यांनी सांगितले. त्यानंतर दोन्ही गटांच्या वकिलांनी प्रसारमाध्यमांसमोर बोलताना दावे-प्रतिदावे केले.
अनिलबाबूंनी सोसले, मी मात्र भोगेन; विजय वडेट्टीवारांचं बेधडक वक्तव्य, असं का म्हणाले?
यावेळी शिवसेना उद्धव बाळासाहेब ठाकरे पक्षाचे आमदार सुनील प्रभू यांनी शिवसेनेवर टीका केली. ‘भरत गोगावले हे प्रसारमाध्यमांपुढे दिशाभूल करणारी विधाने करत आहेत. सर्वोच्च न्यायालयानेच सुनील प्रभू हे व्हिप असल्याचे स्पष्ट केले आहे. शिंदे गटाकडून करार झाला. आधी आम्हाला कागदपत्रे मिळाली नाहीत, असे सांगितले गेले. त्याचवेळी सहा हजार पानांचे उत्तर त्यांनी दाखल केले आणि एक अक्षरही आम्हाला मिळाले नाही, असेही ते सांगत आहेत. त्यामुळे हे बोलणे चुकीचे आहे. एवढा वेळ मिळूनही आता आणखी १४ दिवसांचा वेळ दिला आहे. कागदांचे आदानप्रदान होईल. पुढच्या वेळी अध्यक्ष महोदय याबाबत निर्णय घेतील आणि ‘शेड्युल १०’प्रमाणे हा निर्णय देतील. आम्हाला न्याय मिळेल. सत्यमेव जयते’, अशी प्रतिक्रिया प्रभू यांनी व्यक्त केली.