म. टा. खास प्रतिनिधी, मुंबई: ताडदेव येथील वृद्ध दाम्पत्याच्या घरात घुसून लाखो रुपयांची रोकड आणि दागिन्यांची लूट केल्याप्रकरणी पोलिसांनी एकाला अटक केली आहे. या घटनेमध्ये सुरेखा अग्रवाल (७०) यांचा मृत्यू झाला होता. सुमित टटवाल (३७) असे अटक करण्यात आलेल्या आरोपीचे नाव असून तो या दाम्पत्याच्या दुकानात नोकर म्हणून कामाला होता. त्यानेच त्याच्या गावातील तिघांना हे दाम्पत्य एकटे राहत असल्याची माहिती दिल्याचे समोर आले आहे. इतर तीन आरोपींना मुंबईबाहेरून ताब्यात घेण्यात आल्याची माहिती पोलिसांनी दिली.
वसंतराव नाईक चौकापासून हाजी अलीकडे जाणाऱ्या मुख्य रस्त्यावरील युसूफ मंझिल या इमारतीमध्ये मदन अग्रवाल (७५) आणि त्यांची पत्नी सुरेखा हे वास्तव्यास होते. रविवारी सकाळी साडेसहाच्या सुमारास मदन हे नेहमीप्रमाणे मॉर्निग वॉकसाठी घराबाहेर पडत असतानाच अचानक तिघेजण त्यांच्या घराजवळ आले. त्यांना दरवाजातूनच पुन्हा घरामध्ये ढकलले आणि तिघांनी चिकटपट्टीने त्यांचे तोंड आणि हातपाय घट्ट बांधले. त्यांच्या अंगावरील दागिने, घरातील रोख रक्कम आणि इतर मौल्यवान वस्तू घेऊन पसार झाले. चिकटपट्टीमुळे श्वास कोंडल्याने सुरेखा यांचा मृत्यू झाला.
वसंतराव नाईक चौकापासून हाजी अलीकडे जाणाऱ्या मुख्य रस्त्यावरील युसूफ मंझिल या इमारतीमध्ये मदन अग्रवाल (७५) आणि त्यांची पत्नी सुरेखा हे वास्तव्यास होते. रविवारी सकाळी साडेसहाच्या सुमारास मदन हे नेहमीप्रमाणे मॉर्निग वॉकसाठी घराबाहेर पडत असतानाच अचानक तिघेजण त्यांच्या घराजवळ आले. त्यांना दरवाजातूनच पुन्हा घरामध्ये ढकलले आणि तिघांनी चिकटपट्टीने त्यांचे तोंड आणि हातपाय घट्ट बांधले. त्यांच्या अंगावरील दागिने, घरातील रोख रक्कम आणि इतर मौल्यवान वस्तू घेऊन पसार झाले. चिकटपट्टीमुळे श्वास कोंडल्याने सुरेखा यांचा मृत्यू झाला.
ताडदेव पोलिस ठाण्यात या प्रकरणी हत्येचा गुन्हा दाखल करून तपासाकरिता पोलिसांची वीस पथके तयार करण्यात आली. पोलिसांनी सीसीटीव्ही फुटेज तसेच इतर तांत्रिक पुराव्यांच्या विश्लेषणावरून आरोपींचा माग घेत असतानाच दुसरीकडे नियोजनबद्ध लूट असल्याने अग्रवाल यांच्या परिचयातील व्यक्तीवर लक्ष केंद्रित केले. त्यावेळी त्यांच्या काळबादेवी येथील इमिटेशन ज्वेलरीच्या दुकानात काम करणारा सुमित टटवाल याची वागणूक संशयास्पद वाटली. पोलिसांनी त्याला चौकशीसाठी ताब्यात घेतले असता त्यानेच अग्रवाल यांच्याबाबत माहिती दिल्याचे समोर आले.
२३ ऑगस्टपर्यंत पोलिस कोठडीत
पोलिसांनी सुमित याला अटक करून न्यायालयात हजर केले असता न्यायालयाने २३ ऑगस्टपर्यंत पोलिस कोठडीत रवानगी केली आहे. इतर काहींनादेखील ताब्यात घेतले असून लवकरच सर्व आरोपी अटकेत असतील असे पोलिसांनी म्हटले आहे. टीप दिल्याबद्दल सुमित याच्या बँक खात्यावर गुन्हा करणाऱ्यांनी काही रक्कम ऑनलाइन पाठविल्याचे तपासातून समोर आले आहे.
इन्स्टाग्रामवर जुळलं प्रेम, नवऱ्याने झोपेचं नाटक केलं, बायको बॉयफ्रेण्डच्या मिठीत जाताच…