सोलापूर : आरोग्यमंत्री तानाजी सावंत हे सोलापूर दौऱ्यावर येणार असल्याचे औचित्य साधून उत्साही कार्यकर्त्यांनी सोलापूर शहरात विविध ठिकाणी बॅनरबाजी सुरू केली आहे. शिवाजी सावंत हे सोलापूर शहरातील भावी आमदार, असे बॅनर सोलापूर शहरातील शासकीय विश्रामगृह येथे मंगळवारी रात्री लावण्यात आले. राष्ट्रवादीमधून शिंदे गटात गेलेले ज्योतिबा गुंड यांनी हे बॅनर लावले आहे. सोलापूर शहर मध्य विधानसभा मतदारसंघातून शिवाजी सावंत शिवसेनेचे उमेदवार असतील, अशीही माहिती शिंदे गटाच्या कार्यकर्त्यांनी आणि युवा कार्यकर्त्यांनी दिली आहे.
मुख्यमंत्री एकनाथ शिंदे यांचे कट्टर कार्यकर्ते व समर्थक म्हणून ओळख असलेले सोलापूर शहरातील मनीष काळजेही शहर मध्यमधून इच्छुक आहेत. शिवाजी सावंत आणि मनीष काळजे या दोघा शिंदे गटातील नेत्यांनी शहर मध्यवर लक्ष केंद्रीत केल्याने आगामी विधानसभा निवडणुकीत सोलापूर शहर मध्यची उमेदवारी कोणाला मिळते? याकडे लक्ष लागून राहिले आहे.
राज्यात सध्या ब्लॅकमेलिंगच राजकारण सुरू; प्रकाश आंबेडकरांचा सरकारवर हल्लाबोल, अजित पवारांवरही टीका
शहर मध्यमुळे शिंदे गटातील दोन नेत्यांत रस्सीखेच
मुख्यमंत्री एकनाथ शिंदे यांचे कट्टर कार्यकर्ते व समर्थक म्हणून ओळख असलेले सोलापूर शहरातील मनीष काळजेही शहर मध्यमधून इच्छुक आहेत. शिवाजी सावंत आणि मनीष काळजे या दोघा शिंदे गटातील नेत्यांनी शहर मध्यवर लक्ष केंद्रीत केल्याने आगामी विधानसभा निवडणुकीत सोलापूर शहर मध्यची उमेदवारी कोणाला मिळते? याकडे लक्ष लागून राहिले आहे.
राज्यात सध्या ब्लॅकमेलिंगच राजकारण सुरू; प्रकाश आंबेडकरांचा सरकारवर हल्लाबोल, अजित पवारांवरही टीकाशहर मध्यमुळे शिंदे गटातील दोन नेत्यांत रस्सीखेच
सोलापूर शहर मध्य विधानसभा मतदारसंघात काँग्रेसच्या प्रणिती शिंदे या तीन वेळा निवडून आल्या आहेत. मुस्लिम, पद्मशाली, मोची या तीन समाजाचे मतदार मोठ्या संख्येने मतदारसंघात आहेत. आरोग्य मंत्री तानाजी सावंत यांचे मोठे बंधू शिवाजी सावंत व एकनाथ शिंदे यांच्या जवळचे एकनिष्ठ असलेले मनीष काळजे हे दोघे शहर मध्यच्या जागेवर लक्ष केंद्रीत करून आहेत. मनीष काळजे आणि शिवाजी सावंतमुळे सोलापुरातील शिंदे गटात दोन गट पडतील की काय? असे चित्र हळूहळू निर्माण होऊ लागले आहे. शिवाजी सावंतांचे कार्यकर्ते ज्योतिबा गुंड यांनी आरोग्य मंत्र्यांचे बॅनर लावत शिवाजी सावंतांना भावी आमदार म्हणून घोषित केले आहे. सोलापुरातील मनीष काळजे आणि शिवाजी सावंत या दोघा नेत्यांत शहर मध्यसाठी रस्सीखेच सुरू आहे.
महाआरोग्य शिबिरांमुळे सोलापुरातील काँग्रेसमध्ये अस्वस्थता
आरोग्यमंत्री तानाजी सावंत यांचे बंधू शिवाजी सावंत यांनी सोलापूर शहरात आजतागायत ४ महाआरोग्य शिबिरांचे आयोजन केले. महाआरोग्य शिबिरांमधून जवळपास एक लाख नागरिकांना याचा फायदा झाला आहे. शहर मध्यमध्ये तीन आरोग्य शिबीर संपन्न झाले आहेत. मनीष काळजे यांनीही थेट मुख्यमंत्री एकनाथ शिंदेंच्या संपर्कात राहून शहर मध्यमध्ये विविध विकासकामांचा सपाटा सुरू केला आहे.
शिंदे गटातील दोन्ही नेत्यांमुळे काँग्रेसच्या गोटात अस्वस्थता पसरली आहे. विद्यमान आमदार प्रणिती शिंदे यांनी काहीच विकासकामे केली नाहीत, असा थेट आरोपही शिंदे गटाचे ज्योतिबा गुंड यांनी बॅनरबाजी करताना केला आहे. २०२४ च्या निवडणुकीत शिंदे गटातील कोणत्या नेत्याला शहर मध्यमधून उमेदवारी मिळते आणि काय चित्र असेल हे येणारा काळच ठरवेल.