चंद्रपूर: शहरात बुधवारी दुपारी धो धो पाऊस बसरला. जोरदार वादळी वाऱ्यासह आलेल्या मुसळधार पावसामुळे सर्वांचीच दाणादाण उडाळी. २ तास पडलेल्या मुसळधार पावसामुळे शहरात अनेक भागात पाणी साचले असून नाले ओसंडून वाहत आहेत. तर अनेकांच्या घरात पावसाचे पाणी शिरले. या दरम्यान एक दु:खद घटना घडली आहे. चंद्रपुरात वीज कोसळल्याने लोकांचा बळी गेला आहे. यामुळे परिसरात हळहळ व्यक्त होत आहे.
मिळालेल्या माहितीनुसार, पोभूर्णा तालुक्यातील मौजे वेळवा माल येथे शेतामध्ये काम करीत असताना वीज पडून एक महिला मृत पावली आहे. तर इतर सहा जण जखमी झालेले आहेत. त्यांना ग्रामीण रुग्णालय पोभूर्णा येथे भरती करण्यात आलेले आहे. अर्चना मोहन मडावी (२८) असं मृत पावलेल्या महिलेचे नाव आहे. तर खुशाल विनोद ठाकरे (३१), रेखा अरविंद सोनटक्के (४५), राधिका राहुल भंडारे (२२), सुनंदा नरेंद्र इंगोले (४५), वर्षा बिजा सोयाम (४०), रेखा ढेकलू कुळमेथे (५५), खुशाल विनोद ठाकरे, वर्षा बिजा सोयाम आणि रेखा ढेकलू कुळमेथे यांचा जखमींमध्ये समावेश आहे. त्यांच्यावर ग्रामीण रुग्णालय पोभूर्णा येथे उपचार चालू आहेत.
मिळालेल्या माहितीनुसार, पोभूर्णा तालुक्यातील मौजे वेळवा माल येथे शेतामध्ये काम करीत असताना वीज पडून एक महिला मृत पावली आहे. तर इतर सहा जण जखमी झालेले आहेत. त्यांना ग्रामीण रुग्णालय पोभूर्णा येथे भरती करण्यात आलेले आहे. अर्चना मोहन मडावी (२८) असं मृत पावलेल्या महिलेचे नाव आहे. तर खुशाल विनोद ठाकरे (३१), रेखा अरविंद सोनटक्के (४५), राधिका राहुल भंडारे (२२), सुनंदा नरेंद्र इंगोले (४५), वर्षा बिजा सोयाम (४०), रेखा ढेकलू कुळमेथे (५५), खुशाल विनोद ठाकरे, वर्षा बिजा सोयाम आणि रेखा ढेकलू कुळमेथे यांचा जखमींमध्ये समावेश आहे. त्यांच्यावर ग्रामीण रुग्णालय पोभूर्णा येथे उपचार चालू आहेत.
दरम्यान आज रोजी दुपारी ०३.५० वाजता शफीया सीराजुल शेख रा. नांदेड ता. नागभीड (१७) वर्षे रोवना करण्यासाठी नांदेड येथील शेतावर गेली असता वीज पडल्यामुळे ती जखमी झाली आहे. तिला पुढील उपचारार्थ तळोधी येथील रूग्णालयात दाखल करण्यात आलेले आहे. त्यानंतर ४ वाजण्याच्या सुमारास मौजा सोनापुर तुकुम ता. नागभीड येथील रहिवासी नाव रंजन जगेश्र्वर बल्लावार यांची १ म्हैस मौजा सोनापुर तुकुम येथे वीज पडून मरण पावलेली आहे. तसेच कल्पना प्रकाश झोडे (४५), अंजना रुपचंद पुसतोडे (४८) दोघी रा. देलनवाडी ता. सिंदेवाही यांचा शेतात वीज अंगावर पडून मृत्यू झाला. तसेच सुनीता सुरेश डोंगरवार (३५) या जखमी झाल्या आहेत.
कोरपना तालुक्यातील मौजा चनई बुज येथील पुरुषोत्तम अशोक परचाक (२७) हे शेतात काम करीत असताना वीज पडून मरण पावले आहे. तर वन मजूर भारत लिंगा (५३) रा चिवंढा, तहसील गोंडपिपरी, वन विभागाचे काम करत असताना अंगावर वीज पडून मृत्यू झाला आहे. आनंदराव मारुती पेंदोर (५२) वर्ष हे सुद्धा वीज पडल्याने जखमी झालेले आहेत. त्यांना उपचारासाठी शासकीय रुग्णालय गोंडपिंपरी येथे दाखल केले आहे. ब्रम्हपुरी तालुक्यातील बेटाळा येथील गीता ढोंगे ही महिला शेतकामे आटोपून घराकडे निघाली होती. दरम्यान तिच्या अंगावर वीज कोसळली. वीज कोसळल्याने घटनास्थळीच तिचा मृत्यू झाला. तसेच चारगाव या गावांमध्ये वीज पडून दोन शेळ्या मृत्युमुखी पडल्या आहेत. बोरगाव मोकासा गावात वीज पडल्यामुळे दोन बैल मृत्युमुखी पडले आहेत.
Maharashtra Rains: साताऱ्यात अतिवृष्टी, कोयना धरणातून पाण्याच्या विसर्गाला सुरुवात; NDRF टीम कराडमध्ये दाखल
कोरपना तालुक्यात आज मुसळधार पाऊस झाला. या पावसामुळे नदी, नाल्यांना पूर आल्याने जांभुळधरा-उमरहिरा, रूपापेठ मार्ग बंद झाले आहेत. हवामान खात्याने वर्तविलेल्या अंदाजानुसार उद्या चंद्रपूर जिल्ह्यात मुसळधार पाऊस पडण्याची शक्यता आहे. या अतिवृष्टीत कोणत्याही प्रकारची अनुचित घटना घडू नये तसेच आपत्कालीन परिस्थिती निर्माण झाल्यास त्याचा परिणाम शालेय विद्यार्थ्यांवर होऊ नये, याकरिता जिल्ह्यातील सर्व अंगणवाड्या, पूर्व प्राथमिक, प्राथमिक, माध्यमिक शाळा, विद्यालय आणि महाविद्यालय यांना उद्या सुट्टी जाहीर करण्यात आली आहे. याबाबतचे आदेश जिल्हाधिकारी विनय गौडा यांनी निर्गमित केले असून नागरिकांनी भारतीय हवामान खात्याने वर्तविलेल्या अंदाजानुसार सतर्क राहून आवश्यक खबरदारी घ्यावी, असे आवाहनही जिल्हा प्रशासनाने केले.