धाराशीव : धाराशीव जिल्ह्याचे खासदार ओमराजे निंबाळकर यांच्या अंगावर डम्पर घालण्याचा प्रयत्न झाल्याची धक्कादायक घटना घडली आहे. ओमराजे निंबाळकर यांच्या गावालगतच ही घटना घडली आहे. खासदार ओमराजे निंबाळकर हे सकाळी मॉर्निंग वॉकसाठी गोवर्धनवाडी येथील आपल्या राहत्या घरापासून काही अंतरावरच गेले होते. व्यायाम करून घरी परतत असताना पाठीमागून येणाऱ्या भरधाव डम्परचा त्यांना आवाज आला. खासदार निंबाळकर यांनी पाठीमागे वळून पाहिले डम्पर मोठ्या वेगाने त्यांच्या दिशेने येत असल्याचं त्यांच्या निदर्शनास आले.
यावेळी डम्पर चालकाच्या हातात मोबाईल होता. तर तो त्याची डावी बाजू सोडून उजव्या बाजूने येत असल्याने ओमराजे निंबाळकर यांनी रस्त्याच्या खाली उडी मारली. तेव्हा डम्पर पुढे निघून गेला. यावेळी खासदार निंबाळकर यांनी पाठीमागून येत असलेल्या मोटरसायकलवर बसून डम्परचा पाठलाग करून रेल्वे गेट परिसरात त्याला गाठले.
यावेळी डम्पर चालकाच्या हातात मोबाईल होता. तर तो त्याची डावी बाजू सोडून उजव्या बाजूने येत असल्याने ओमराजे निंबाळकर यांनी रस्त्याच्या खाली उडी मारली. तेव्हा डम्पर पुढे निघून गेला. यावेळी खासदार निंबाळकर यांनी पाठीमागून येत असलेल्या मोटरसायकलवर बसून डम्परचा पाठलाग करून रेल्वे गेट परिसरात त्याला गाठले.
दरम्यान, ओमराजे निंबाळकर यांनी त्यांच्यासोबत घडलेल्या या घटनेची फिर्याद ढोकी पोलीस स्टेशन येथे दिली असून ढोकी पोलिसांनी डम्पर चालकाविरोधात गुन्हा नोंद करण्यात आला आहे. सदर प्रकार हा चालकाच्या चुकीमुळे झाला? की यामागे काही घातपाताचा हेतू होता का? अशी चर्चा नागरिकांमध्ये जोरात सुरू आहे.
यापूर्वीही झाला होता हल्ला…
२०१९ मध्ये ओमराजे निंबाळकर खासदार झाल्यानंतर आमदार कैलास पाटील यांच्या प्रचारार्थ धाराशीव तालुक्यातील पाडोळी येथे गेल्यानंतर खासदार ओमराजे यांच्यावर चाकू हल्ला झाला होता.
झोपेतच बॅटींगला आला ऑस्ट्रेलियाचा खेळाडू अन् पुढे जे काही घडलं ते पाहून हैराण व्हाल…