या घटनेची माहिती कमलेशच्या पालकांना दुसऱ्या दिवशी म्हणजे ३० मार्च रोजी कळली. तिघांनी मिळून मृतदेहाची विल्हेवाट लावण्याची योजना आखली. रात्री अकरा वाजण्याच्या सुमारास कमलेश हा मृतदेहाचे तुकडे भरलेली गोणी घरापासून सुमारे २०० मीटर अंतरावर असलेल्या निर्जन ठिकाणी टाकण्यासाठी गेला. दरम्यान, कमलेशचे वडील रामसिंग घराबाहेर उभे होते आणि आई किशन कंवर भग्नावशेषाबाहेर उभ्या राहून मुलाला सावध करीत होते.

खारघर दुर्घटनेचा प्रश्न उच्च न्यायालयात; मुख्यमंत्री, उपमुख्यमंत्र्यांविरोधात गुन्हा नोंदवण्याची मागणी
काय आहे संपूर्ण प्रकरण ?

२९ मार्च रोजी उदयपूरमधील मावळीच्या लोप्रा गावातून ८ वर्षांची मुलगी बेपत्ता झाली होती. कुटुंबीयांनी मावळी पोलीस ठाण्यात मुलगी हरवल्याची तक्रार दाखल केली. १ एप्रिलला पोलिसांना मुलीचा मृतदेह सापडला आणि त्याच दिवशी आरोपी कमलेशलाही अटक करण्यात आली.

या घटनेबाबत मिळालेल्या माहितीनुसार, मुलगी घरून शेताकडे जात होती. आरोपी कमलेश घरात एकटाच होता. त्याचे आई-वडील घरी नव्हते. खिडकीजवळ बसून कमलेश मोबाईलवर पॉर्न फिल्म पाहत होता. मुलाला जाताना पाहून त्याने आवाज देऊन तिला आत बोलावले. त्यानंतर तिला बाथरूममध्ये नेले. कमलेशच्या कृत्यामुळे मुलगी रडू लागली तेव्हा त्याने तिच्या तोंडात कपडा भरला. मुलीवर अत्याचार केल्यानंतर त्याने तिला उचलण्यास सुरुवात केली, मात्र मुलगी स्तब्ध पडून होती. अत्याचारादरम्यान मुलीचा मृत्यू झाला होता.

तीन वाहनांचा भीषण अपघात, प्राध्यापकाचा मृत्यू , दुसऱ्याच दिवशी होता रिटायरमेंटचा कार्यक्रम