अकोला :रेल्वे प्लॅटफॉर्मवरुन निघालेल्या ट्रेनमधून उतरण्याचा प्रयत्नात एका वृद्ध महिलेचा अचानक तोल गेला अन् ‘ती’ रेल्वेच्या दरवाजातून खाली कोसळली. पतीच्या डोळ्यादेखत या वृद्ध महिलेचा दुर्दैवी मृत्यू झाला. ही घटना अकोला रेल्वे स्थानकावरील प्लॅटफॉर्मवर क्रमांक ५ वर आज दुपारी १ वाजण्याच्या सुमारास घडली.या घटनेने रेल्वे स्थानक परिसरात खळबळ उडाली आहे. नंदाबाई भिमराव इंगळे (वय ५५ वर्ष, राहणार चोहगाव, जि. वाशिम) असं या वृद्ध महिलेचं नाव आहे. दरम्यान वाशिमकडे जाणारी रेल्वे असल्याचं समजून दोघेही पती-पत्नी अकोटच्या रेल्वेत चढल्या, पण चढताच आपण चुकीच्या गाडीत बसल्याचं कळलं. अन् दोघेही खाली उतरण्याच्या प्रयत्नात ही दुर्दैवी घटना घडली.
मिळालेल्या माहितीनुसार, अकोला रेल्वे स्थानकावरील प्लॅटफॉर्म पाचवर भिमराव इंगळे (वय ६० वर्ष) आणि त्यांच्या पत्नी नंदाबाई भिमराव इंगळे (वय ५५ वर्ष, दोघेही राहणार चोहगाव, जि. वाशिम) हे दोघे वयोवृद्ध पती-पत्नी वाशिम जाण्यासाठी रेल्वेची प्रतिक्षा करीत होते. त्यानंतर याच प्लॅटफॉर्मवर अकोटकडे जाण्यासाठी रेल्वे लागली, दोघेही या रेल्वेत चढले अन् बसले. थोड्या वेळानंतर त्यांच्या लक्षात आलंय आपण चुकीच्या रेल्वेत बसलो आहोत.
मिळालेल्या माहितीनुसार, अकोला रेल्वे स्थानकावरील प्लॅटफॉर्म पाचवर भिमराव इंगळे (वय ६० वर्ष) आणि त्यांच्या पत्नी नंदाबाई भिमराव इंगळे (वय ५५ वर्ष, दोघेही राहणार चोहगाव, जि. वाशिम) हे दोघे वयोवृद्ध पती-पत्नी वाशिम जाण्यासाठी रेल्वेची प्रतिक्षा करीत होते. त्यानंतर याच प्लॅटफॉर्मवर अकोटकडे जाण्यासाठी रेल्वे लागली, दोघेही या रेल्वेत चढले अन् बसले. थोड्या वेळानंतर त्यांच्या लक्षात आलंय आपण चुकीच्या रेल्वेत बसलो आहोत.
तेवढ्यात रेल्वे सुरू झाली होती. त्यावेळी दोघा पती-पत्नीने धावत्या रेल्वेतून उतरण्याचा प्रयत्न केला. पण रेल्वेतून खाली उतरत असताना नंदाबाई यांचा तोल गेला अन् त्या दरवाज्यातून खाली कोसळल्या. हे पाहताच पत्नीला वाचवण्यासाठी पतीने रेल्वेतून खाली उडी घेतली, मात्र तोपर्यंत खूप उशीर झाला. नंदाबाई रेल्वे आणि प्लॅटफॉर्मच्या मधोमध कोसळल्याने त्यांच्या डोक्यावरून रेल्वेचं चाक गेलं अन् त्यांचा जागीच मृत्यू झाला.
समोरुन ट्रेन येत असतानाच रेल्वे रुळावर पाय अडकला; महिला रेल्वेखाली गेली, पण लोकोपायलटने जे केलं त्याला सलाम
हा प्रकार आज आज दुपारी पावणे एक वाजताच्या सुमारास घडला आहे. या घटनेनंतर रेल्वे स्थानकावर गोंधळ उडाला. घटनेची माहिती मिळताच रेल्वे पोलिसांनी घटनास्थळी धाव घेत मृतदेह रेल्वेखालून बाहेर काढला. काही वेळानंतर रेल्वे पुढील प्रवासासाठी रवाना झाली. दरम्यान पत्नीचा डोळ्यासमोरच दुर्दैवी मृत्यू झाल्याने पतीला मोठा धक्का बसलाय. तसेच भीमराव या घटनेत किरकोळ जखमी झाले असून त्यांच्यावर प्राथमिक उपचार करण्यात आले आहेत.
बायकोच्या खुनातून सोडवलं, पण उपकार विसरला; मेहुण्याचं कुटुंब संपवणारा म्हणतो मला फाशी द्या