स्काय डायव्हिंगमध्ये करिअर

शितल महाजन या मूळच्या पुण्याच्या रहिवासी आहेत. शाळेत असताना त्यांच्या मैत्रिणीचा भाऊ स्काय डायविंग करायचा. तो स्काय डायव्हिंग करणाऱ्या मुलांना ट्रेनिंग देत होता. त्यांना पहिल्यानंतर स्काय डायव्हिंग काय असतं ते समजलं. विमानाचा दरवाजा हवेत खोलून जेव्हा तुम्ही जमिनीवर उडी मारतात ते पाहिलं आणि मी निश्चिय केला की मला स्काय डायव्हिंग करायचं आहे, असं शीतल यांनी सांगितलं.

उत्तर ध्रुवावर पहिली उडी

स्काय डायव्हिंगमध्ये करियर करण्याबाबत अनेकांनी नकारात्मक गोष्टी सांगितल्या. मित्र मैत्रिणी, कुटुंबियांनी तू मुलगी आहेस, हे मुलींचे खेळ नाहीत, तू करू नाही शकणार असंही सांगितलं. मात्र त्याच गोष्टी मला प्रेरणा देत गेल्या, की आपण का करू नये. हाच प्रश्न मी सगळ्यांसमोर उभा केला. जेव्हा तुम्ही भारतीय महिलेला तु हे करू शकत नाही असं म्हणता, तेव्हा ती महिला स्वतःला झोकून देते. त्याचप्रमाणे मी स्वतःचा आत्मविश्वास प्राप्त केला केला आणि पहिली उडी उत्तर ध्रुवावर मारून दाखवली.

स्वतःची स्काय डायव्हिंग अकादमी, जुळ्या मुलांसह स्काय डायव्हिंग

या क्षेत्रात उतरल्यानंतर मला अनेक गोष्टी समजल्या. ज्या प्रकारे ऑलम्पिक खेळ आहेत त्यासोबत हवेतील खेळ आहेत. म्हणजेच ऑलम्पिक हे खेळ जमिनीवर खेळले जातात त्याचप्रमाणे फेडरवंशन ऑफ एरोनॉटिकल ऑर्गनायझेशन आहे, ज्यात हवेत १४ ते १५ खेळ खेळले जातात. हे पहिल्यानंतर मला कळलं की भारतातून एकही महिला या खेळात नाही. आपण यात उतरलो तर भारताला जगापुढे रिप्रेझेन्ट करू शकतो. त्यानंतर मी या खेळात स्वतःला पूर्णपणे झोकून दिलं. हे करत असताना मी माझी स्वतःची स्काय डायव्हिंग अकादमी सुरू केली असल्याचंही शितल यांनी सांगितलं.

यामध्ये आतापर्यंत त्यांनी ७७० उड्या मारल्या आहेत. या सर्व उड्यांमध्ये सर्वात आवडती जम्प माझ्या जुळ्या मुलांसोबत मारली असल्याचं त्या सांगतात. मुलांच्या १०व्या वाढदिवसाला त्यांनी दोन जुळ्या मुलांसह आणि नवऱ्यासोबत स्काय डायव्हिंग करत उडी घेतली. तो अविस्मरणीय क्षण होता जो मी कधी विसरु नाही शकत नाही असंही शीतल म्हणाल्या.

स्काय डायव्हिंगमध्ये करिअर, लग्नही हवेतच केलं

​नऊवारी साडीवर स्काय डायव्हिंग

नऊवारी साडी नेसूनही त्यांनी उडी मारली. ही उडी सर्वात अवघड असल्याचं त्या म्हणाल्या. ही उडी मारताना अनेक आव्हानं समोर आली. अशी उडी मारण्यासाठी परवानगी मिळत नव्हती. त्यात जर पदर अडकला तर खूप मोठी हानी होऊ शकते, मात्र मी त्या साडीवर स्काय डायव्हिंग करण्यासाठी कोचला कन्व्हेअन्स करून ती उडी घेतली असल्याचं अनुभवही त्यांनी सांगितला. एका फॉर्मेश जम्पमध्ये हवेत त्यांचा अपघात झाला होता. अपघात झाल्यानंतर खांदा एकप्रकारे निकामी झाला होता. मात्र त्यावेळी प्रसंगावधान दाखवत फॉर्मेशन कृती पूर्ण केली आणि ती उडी यशस्वी करून दाखवली, असंही त्या म्हणाल्या.

​लग्नही हवेत झालं

उत्तर ध्रुव आणि दक्षिण ध्रुव पूर्ण केल्यानंतर घरच्यांनी असा सांगितलं, की लग्न करायची उडी घे. मी माझ्या घरच्यांना पुढे इतकीच अट ठेवली की मुलाला स्काय डायव्हिंग माहीत असलं पाहिजे. त्यानंतर एक मुलाशी भेट झाली. त्यावेळी मुलाला मी मला हवेत लग्न करायचं आहे, ही अट घातली. ही युक्ती सासऱ्यांना खूप आवडली. त्यानंतर जमिनीपासून १००० फूट हवेत एअर बलूनमध्ये लग्न झाल्याची आठवणही त्यांनी सांगितली.

करिअर करताना मोठा संघर्ष

स्काय डायव्हिंगमध्ये करिअर करताना मोठा संघर्ष करवा लागला असल्याचं त्या म्हणाल्या. जुळी मुलं झाल्यानंतर सासरी हे सगळं बंद करण्याचं सांगण्यात आलं. त्यामुळे घरात वाद वाढू लागला. सासरच्यांनी अट ठेवली की घर संसार की स्काय डायव्हिंग…त्यावेळी मी स्काय डायव्हिंग निवडलं. भारताला रिप्रेजेंट करताना माझ्या समोर खूप मोठं आव्हान होत. मला १०० शितल महाजन देशासाठी उभे करायच्या आहेत. मात्र काही काळानंतर या क्षेत्रातील माझी कामगिरी पाहिल्यानंतर, पुरस्कार मिळाल्यानंतर संसाराची गाडी पुन्हा रुळावर लागली असल्याचं त्या म्हणाल्या. या पुढेही माझा प्रवास असाच सुरू राहणार असल्याचंही त्या म्हणाल्या.

स्काय डायव्हिंगमध्ये करिअर, लग्नही हवेतच केलं