पोलिसांनी दिलेल्या माहितीनुसार, दत्ता हा काल रोजी त्याच्या तीन मित्रांसोबत भामा आसखेड धरणाच्या बंधाऱ्याजवळ असणाऱ्या जलसाठा परिसरात पार्टी करण्यासाठी आला होता. त्यावेळी हे तिघे मित्र पार्टी करत होते. त्यावेळी दत्ताचा पाण्यात तोल गेला आणि तो पडला. त्याला पोहता येत नसल्याने तो पाण्यात बुडू लागला. मित्रांनी त्याला वाचवण्यासाठी आरडाओरडा केला. मात्र, दत्ता तोपर्यंत बुडाला होता. आज रविवारी सकाळी अकराच्या सुमारास मावळ तालुक्यातील वन्यजीव रक्षक संस्थेच्या कार्यकर्त्यांना मृतदेह शोधण्यासाठी पाचारण करण्यात आले. पोलिसही यावेळी घटनास्थळी दाखल झाले होते. रेस्क्यू टीमने दोन तासांच्या अथक प्रयत्नानंतर संबधित युवकाचा मृतदेह बाहेर काढला.
या कामगिरीत वन्यजीव रक्षक मावळ संस्था आणि आपदा मित्र संस्थेचे संस्थापक नीलेश गराडे, अध्यक्ष अनिल आंद्रे, भास्कर माळी, गणेश गायकवाड, शुभम काकडे, विनय सावंत, विकी दौंडकर, जिगर सोलंकी, सत्यम सावंत, सचिन वाडेकर, श्रीयश भेगडे, अनिश गराडे, सार्थक घुले, गणेश सोंडेकर, कमल परदेशी, शांताराम गाडे, श्रीकांत बिरदवडे, सचिन भोपे, नितीन गाडे, पोलिस पाटील सचिन मरगज, विक्रांत चौधरी आदींनी मदत केली.
Oscar 2023: ‘नाटू नाटू’वर लाइव्ह परफॉर्मन्स ते दीपिकाची धमाल! कुठे आणि कधी पाहता येईल सोहळा?