Nashik FDA Raid: तपासणीदरम्यान अनेक हॉटेलांत स्वयंपाकघरातील अस्वच्छतेपासून ते ग्राहकांच्या आरोग्याशी खेळ करणाऱ्या बाबी समोर आल्या आहेत.
अस्वच्छ आणि दुर्गंधीयुक्त वातावरणात उघड्यावर ठेवलेले कच्चे अन्न, निकृष्ट दर्जाची शीतकरण यंत्रणा, कर्मचाऱ्यांच्या वैयक्तिक स्वच्छतेचा अभाव आणि त्यांची वैद्यकीय तपासणी न करणे अशा गंभीर त्रुटी उघड झाल्या. याशिवाय, नियमानुसार आवश्यक असलेली कायदेशीर कागदपत्रे उपलब्ध नसणे आणि ग्राहकांच्या तक्रारींचे निवारण करण्यासाठी कोणतीही स्वतंत्र यंत्रणा न ठेवणे, या कारणांमुळे या सात हॉटेलांवर निलंबनाची कारवाई करण्यात आली आहे.
Nashik Rain: मालेगावात घराचा स्लॅब कोसळला; आजीसह 21 वर्षीय नातवाचा करुण अंत, नात गंभीर जखमी
…या हॉटेलांवर कारवाई
हॉटेल ग्रीन वॉल (जत्रा-लिंक रोड, नाशिक)
हॉटेल राधिका (द्वारका, नाशिक)
हॉटेल क्राऊन पॅलेस (पेठरोड, नाशिक)
लक्ष्मी हॉटेल (सिन्नर, नाशिक)
हॉटेल त्रिमूर्ती (एमआयडीसी, जळगाव)
जाधव रेस्टॉरंट (नंदुरबार)
हॉटेल भानू (जळगाव)
चार हॉटेलांकडे परवानाच नाही
यापूर्वी प्रशासनाने तपासणी करून त्रुटी सुधारण्यासाठी काही हॉटेलांना कायदेशीर सुधारणा नोटीस बजावली होती. मात्र, दिलेल्या मुदतीत या त्रुटींची पूर्तता न करणाऱ्या भुसावळ आणि धुळ्यातील दोन आस्थापनांचे परवानेही अन्न व औषध प्रशासनाने निलंबित केले आहेत. तपासणीदरम्यान चार मोठ्या आस्थापनांकडे वैध अन्न व्यवसाय नोंदणी किंवा परवानाच उपलब्ध नसल्याचे निदर्शनास आले. त्यांना वैध परवाना प्राप्त करेपर्यंत अन्न व्यवसाय बंद ठेवण्याचे निर्देश प्रशासनाने दिले आहेत. कायदेशीर बाबींची पूर्तता केल्यानंतरच त्यांना व्यवसाय सुरू करण्याची परवानगी दिली जाईल.
Nashik News: ‘डिफेन्स’ अधिकाऱ्याकडे सापडले घबाड; देवळालीच्या तत्कालीन CEOकडे 113 टक्के अधिक अपसंपदा
व्यावसायिकांनी स्वच्छता, सुरक्षित अन्न उत्पादन, साठवणूक व हाताळणीबाबत कायद्याचे पालन करावे. -मंगेश माने, सहआयुक्त (अन्न)
आम्ही सभासदांना सूचना केल्या आहेत. त्यांच्याकडून नियमांचे पालन करण्यात येत आहे. -संजय चव्हाण, अध्यक्ष, हॉटेल असोसिएशन नाशिक
लेखकाबद्दलकिशोरी तेलकर किशोरी तेलकर
किशोरी तेलकर महाराष्ट्र टाइम्स ऑनलाइनमध्ये कन्सल्टंट या पदावर कार्यरत आहेत. किशोरी या २०२२पासून मटा ऑनलाइन सोबत जोडलेल्या आहेत. राजकारण, हायपर लोकल स्टोरी, क्राईम बातम्या, महिलांविषयक समस्या, गाव खेड्यातल्या बातम्या करण्याचा त्यांचा अनुभव आहे.
पत्रकारितेतील अनुभव
किशोरी यांना वृत्तपत्र, टीव्ही आणि डिजिटल माध्यमांमधील ६ वर्षांचा अनुभव आहे. किशोरी यांनी सकाळ वृत्तपत्रातून पत्रकारितेला सुरुवात केली. सकाळ वृत्तपत्रात काम करतांना त्यांनी प्रिंट मीडियासोबतच सोशल मीडिया हॅंडलिंग, वेबसाईटचेही काम केलं आहे. सध्या चार वर्षांपासून त्या महाराष्ट्र टाइम्स ऑनलाईनमध्ये कार्यरत आहेत. लेखन कौशल्याच्या जोरावर सामाजिक समस्या, शाळा- कॉलेज विद्यार्थी समस्या, आरोग्य टिप्स, महिलांविषयक प्रश्न, फॅशन, लाइफस्टाइल या विविध विषयांवर त्यांनी बातम्या केल्या आहेत.
शैक्षणिक पात्रता
किशोरी तेलकर यांनी कै. बिंदू रामराव देशमुख कला व वाणिज्य महिला महाविद्यालय, नाशिकरोड येथून एम.कॉम पदवी संपादन केली. त्यानंतर गोखले एज्युकेशन सोसायटीचे एच.पी.टी आर्ट्स अँड आर.वाय.के सायन्स कॉलेजमधून कम्युनिकेशन अँड जर्नलिझम विषयात पदव्युत्तर शिक्षण घेतलं आहे. जर्नलिझमचे शिक्षण घेत असतानाच किशोरी यांनी देशदूत, दिव्यमराठी सारख्या वृत्तपत्रात इंटर्नशिप केलेली आहे. मराठी भाषेवर प्रभुत्व असून हिंदी, इंग्रजी भाषाही त्यांना अवगत आहेत.… आणखी वाचा