नवी दिल्ली, २६ : सामाजिक परिवर्तनाचे प्रणेते राजर्षी छत्रपती शाहू महाराज यांच्या जयंतीदिनी कोपर्निकस मार्गस्थित महाराष्ट्र सदनाच्या सभागृहात राजर्षी छत्रपती शाहू महाराजांच्या प्रतिमेस सहायक निवासी आयुक्त नितीन शेंडे यांनी पुष्पहार अर्पण करून विनम्र अभिवादन केले.
यावेळी सहाय्यक निवासी आयुक्त स्मिता शेलार, सहायक लेखा अधिकारी निलेश केदारे, व्यवस्थापक प्रमोद कोलपत्ते यांच्यासह इतर अधिकारी व कर्मचाऱ्यांनी प्रतिमेस पुष्प अर्पण करून आदरांजली वाहिली.
याप्रसंगी व्यवस्थापक प्रमोद कोलपते यांनी राजर्षी छत्रपती शाहू महाराज यांच्या जीवनकार्याचा परिचय करून दिला.
०००