मुंबई – ललिता पिल्लेवार
अभिनेत्री मलायका अरोराचं खासगी आयुष्य हे जणू एखाद्या खुल्या किताबासारखंच आहे. अभिनेता अरबाज खानला घटस्फोट दिल्यानंतर ती 12 वर्षांनी लहान अर्जुन कपूरला डेट करू लागली होती. हे दोघं जवळपास 6 वर्षे रिलेशनशिपमध्ये होते. वयात इतकं मोठं अंतर असूनही अर्जुन-मलायकाची केमिस्ट्री आणि जोडी अनेकांना आवडत होती. अर्जुनशी ब्रेकअप झाल्यानंतर मलायकाचं सतत कोणा ना कोणाशी तरी नाव जोडलं जात होतं. अशातच मुंबईतील एका कॉन्सर्टदरम्यान मलायकाला एका तरुण मुलासोबत पाहिलं गेलं. हा मुलगा आहे तरी कोण, हे जाणून घेण्याची नेटकऱ्यांमध्ये प्रचंड उत्सुकता निर्माण झाली होती. आता त्याच मुलासोबत मलायकाचा आणखी एक फोटो सोशल मीडियावर तुफान चर्चेत आहे.
कोण आहे हर्ष मेहता?
सोशल मीडियावर व्हायरल होत असलेल्या या फोटोमध्ये मलायका ही हर्ष मेहता नावाच्या तरुणासोबत सेल्फी क्लिक करताना दिसत आहे. मलायका आणि हर्ष हे व्हॅलेंटाइन डे निमित्त परदेशात सुट्ट्यांचा आनंद घालवत होते, अशी चर्चा आहे. त्याहीपेक्षा अधिक चर्चा ही मलायका आणि हर्ष यांच्या वयातील फरकावरून होत आहे. हर्ष हा मलायकापेक्षा 12 किंवा 13 वर्षांनी नाही तर तब्बल 19 वर्षांनी लहान आहे. तो सध्या 33 वर्षांचा असून मलायका 52 वर्षांची आहे. हर्ष मेहता हा एक डायमंड मर्चंट असून हर्ष सैंकस मॅनेजमेंट कंपनीचा मॅनेजिंग डायरेक्टर आहे. तो प्रसिद्ध बिझनेसमॅन आहे. त्याच्याकडे कोट्यवधींची संपत्ती असून त्याचा नेमका आकडा अद्याप समजू शकलेला नाही.
https://www.instagram.com/p/DVDITaAiJ0x/embed/captioned/?cr=1&v=14&wp=540&rd=https%3A%2F%2Fwww.tv9marathi.com&rp=%2Fentertainment%2Fwho-is-harsh-mehta-dating-malaika-arora-age-difference-net-worth-details-inside-1612097.html#%7B%22ci%22%3A0%2C%22os%22%3A1924.7999999998137%2C%22ls%22%3A1916.5999999996275%2C%22le%22%3A1918.2999999998137%7D
हर्ष आणि मलायका हे इटलीमध्ये व्हॅलेंटाइन डे साजरा करत होते, असं वृत्त फोटो व्हायरल झाल्यानंतर समोर आलं. व्हायरल फोटोमध्ये दोघं इटलीतील प्रसिद्ध ट्रेवी फाऊंटेन याठिकाणी सेल्फी क्लिक करताना दिसत आहेत. याआधी एअरपोर्टवरही या दोघांना पाहिलं गेलं होतं, मात्र त्यावेळी त्यांनी एकत्र चालणं टाळलं होतं. आधी मलायका एअरपोर्टच्या बाहेर निघाली आणि त्यानंतर पाठोपाठ हर्ष पापाराझींना दिसला होता. मलायका किंवा हर्षने अद्याप त्यांच्या नात्याबद्दल कोणतीच प्रतिक्रिया दिलेली नाही.
मलायका 2018 मध्ये अभिनेता अर्जुन कपूरला डेट करू लागली होती. गेल्या वर्षीच या दोघांचा ब्रेकअप झाला. त्यापूर्वी तिने अभिनेता अरबाज खानशी लग्न केलं होतं. 2017 मध्ये मलायकाने घटस्फोट घेतला. अरबाज आणि मलायका यांना एक मुलगा आहे.