थरार मेहेकर ते बुलढाणा…

९ सप्टेंबर २०२५ रोजी ही थरारक घटना घडली होती. मेहेकर येथील रहिवासी असलेले हे वडील आपल्या मुलीच्या वैद्यकीय शिक्षणाची फी भरण्यासाठी ५ लाख रुपये घेऊन बुलढाण्यात आले होते. चोरट्यांनी मेहेकरपासूनच त्यांच्यावर पाळत ठेवली होती. बुलढाण्यातील राजश्री शाहू विद्यालयासमोर त्यांनी आपली कार उभी केली आणि काही कामानिमित्त बाहेर गेले. नेमकी हीच संधी साधून पाठलाग करत आलेल्या दोन चोरट्यांनी कारची काच फोडली आणि पैशांची बॅग घेऊन फरार झाले.Amol Mitkari: ‘अजितदादांची चप्पल चोरून आणली आणि घरात पूजा केली’; योद्धा गेला, आता शस्त्रे म्यान केली, मिटकरींची भावूक प्रतिक्रिया

पोलीस झाले ‘देवदूत’

मुलीच्या शिक्षणाचे पैसे गेल्याने हताश झालेल्या पित्याने पोलीस ठाणे गाठले. प्रकरणाचे गांभीर्य ओळखून जिल्हा पोलीस अधीक्षक नीलेश तांबे यांनी स्थानिक गुन्हे शाखेला (LCB) तपासाचे आदेश दिले. तांत्रिक विश्लेषण, शेकडो सीसीटीव्ही फुटेजची तपासणी आणि खबऱ्यांकडून मिळालेल्या माहितीच्या आधारे पोलिसांना समजले की, आरोपी थेट कर्नाटक राज्यात पळून गेले आहेत.

Ajit Pawar: अजित पवार यांनी एकदा शब्द दिला की.. केदार जाधवने श्रद्धांजली वाहताना अखेर ती खरी गोष्ट सांगितलीच…

कर्नाटकातून आवळल्या मुसक्या

स्थानिक गुन्हे शाखेच्या विशेष पथकाने तातडीने कर्नाटक गाठले आणि मोठ्या शिताफीने दोन आरोपींना अटक केली. त्यांच्याकडून चोरीस गेलेले संपूर्ण ५ लाख रुपये हस्तगत करण्यात आले आहेत. आपली चोरी झालेली रक्कम पुन्हा सुखरूप पाहून संबंधित वडिलांच्या डोळ्यांत आनंदाश्रू उभे राहिले.

बुलढाणा पोलिसांच्या या तत्परतेमुळे एका मुलीचे डॉक्टर होण्याचे स्वप्न पुन्हा जिवंत झाले असून, संपूर्ण जिल्ह्यात पोलिसांचे कौतुक होत आहे.