मुंबई महापालिकेत आता तीन दशकांनी सत्तापालट होत आहे. शिवसेना उद्धव बाळासाहेब ठाकरे आणि मनसे पक्षाला बहुमताचा आकडा गाठता आलेला नाही. तर शिवसेना आणि भाजपला यश आलं आहे. पण तरीही दोन्ही पक्षांना वैयक्तिकरित्या बहुमताचा आकडा गाठता आलेला नाही. त्यामुळे उद्धव ठाकरेंनी महापौर पदावर भाष्य केलं.
“मला एका प्रश्नाचं उत्तर मिळालं नाही. विधानसभेला किंवा लोकसभेला पंतप्रधान मोदींची सभा झाली होती. आमची शिवतीर्थावर सभा झाली. आपण सगळे जण साक्षीदार आहात शिवाजी पार्क कसं फुलून गेलं होतं, त्याच्या दुसऱ्या दिवशी त्यांची सभा शिवतीर्थावर झाली. आमच्या सभेला गर्दी होती पण मतदान होत नाही. पण त्यांच्याकडे रिकाम्या खुर्च्या मतदान करु शकतात? हे न उलगलेलं कोडे आहे”, असा टोला उद्धव ठाकरे यांनी लगावला.
“त्यांनी गेल्या चार दिवसांत जो पैशांचा वाटप केला तो चार दिवसांचा नव्हता तर ते गेले चार वर्ष हे पैसा परेत होते. आमचे जे निवडून आलेले नगरसेवक होते त्यापैकी त्यांनी जवळपास अर्धे अधिक नगरसेवक त्यांच्या गळाला लावले होते. चार वर्षे त्यांनी त्यांच्या आमदारांना, नगरसेवकांना नरसेवक नसताना विकासनिधीच्या नावाने अमाप पैसा वाटला. निवडणुकीच्या तोंडावर प्रेशर कूकर, मिक्सर, साड्या वाटल्या. हा पैसा येतो कुठून?”, असा सवाल उद्धव ठाकरेंनी केला.
Uddhav Thackeray : ‘शिवसैनिक आणि मतदारांची दिलगिरी व्यक्त करतो’, उद्धव ठाकरेंची निकालावर पहिली प्रतिक्रिया
“या पैशांच्या सोर्सच्या मागे इनकम टॅक्स, सीबीआय लागत कशी नाही? एवढं सगळं होऊनही अमाप पैसा वाटला जातो. मग 2015 साली काळा पैसा नाहीसा व्हावा यासाठी मोदींनी जी नोटबंदी केली होती ती अयशस्वी झाली का? याचं उत्तर कोणीतरी शोधलं पाहिजे”, असं ठाकरे म्हणाले.
“भाजपने कागदावर शिवसेना संपवली असेल, पण जमिनीवरच्या शिवसेनेला ते संपवू शकत नाही, हे कालच्या मुंबई महापालिकेच्या निवडणुकीने आणि इतरही शिवसेनेला मतदान करणाऱ्या मतदारांनी दाखवून दिलं आहे. भाजप हा पक्ष कागदावर आहे, पण जमिनीवर नाही. कारण हा पक्ष जमिनीवर असता तर त्यांना पक्ष फोडावे लागले नसते. त्यांना पुसली जाणारी शाई वापरावी लागली नसती. त्यांना यंत्रणेचा दुरुपयोग करावा लागला नसता. नियम बदलावे लागले नसते”, असं उद्धव ठाकरे यावेळी म्हणाले.Uddhav Thackeray : ‘निवडणूक आयुक्त ब्रह्मदेवाचा बाप नाही’, उद्धव ठाकरे यांचा घणाघात
“आज देखील साधे-साधे शिवसैनिक निवडून आले आहेत. प्रचंड साध्या धबधब्यासमोर निष्ठा कशी ताठ मानेने लढू शकते आणि जिंकू शकते हे आज दाखवलेलं आहे. सर्व मुंबईकरांना धन्यवाद देतो. मला मुंबईकरांकडे खास अपेक्षा नक्कीच होती”, अशी खंतदेखील त्यांनी यावेळी व्यक्त केली.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा