ठाणे महापालिकेत एकूण १३१ प्रभाग येतात. यातील ८७ जागा उपमुख्यमंत्री एकनाथ शिंदे यांच्या शिवसेनेनं लढवल्या. तर भाजपसाठी ४० जागा सोडण्यात आल्या. मुंब्रा विकास आघाडीला ४ देण्यात आल्या. सामच्या एक्झिट पोलनुसार, शिंदेसेनेला तब्बल ७२ जागांवर यश मिळू शकतं. भाजपला २६ जागा मिळण्याचा अंदाज आहे. अजित पवारांच्या राष्ट्रवादी काँग्रेसला १०, उद्धव ठाकरेंच्या शिवसेनेला ३, मनसेला २, काँग्रेसला ३ आणि अजित पवारांच्या राष्ट्रवादी काँग्रेसला १५ जागा मिळू शकतात.
BMC Election Exit Poll: मुंबईत कोणाची सरशी? ठाकरे बंधू की महायुती? पहिला एक्झिट पोल समोर, बहुमत कोणाला?
एकनाथ शिंदेंचा बालेकिल्ला असलेल्या ठाण्याला शिवसेनेला घवघवीत यश मिळण्याचा अंदाज आहे. २०१७ मध्ये शिवसेना एकसंध असताना शिंदे यांच्या नेतृत्त्वात पक्षानं ६७ जागा जिंकत स्पष्ट बहुमत मिळवलं होतं. ही शिनसेनेची ठाणे महापालिका निवडणुकीतील रेकॉर्डब्रेक कामगिरी होती. पण यंदा शिंदेंच्या नेतृत्त्वात शिवसेना तब्बल ७२ जागा जिंकेल असा अंदाज आहे. शिवसेनेच्या ५, तर भाजपच्या ३ जागा गेल्या निवडणुकीच्या तुलनेत वाढताना दिसत आहेत.

विशेष म्हणजे एकनाथ शिंदे यांचे राजकीय गुरु असलेल्या आनंद दिघे यांना ठाणे महापालिकेत कधीही शिवसेनेची एकहाती सत्ता आणता आलेली नव्हती. पण शिंदे यांनी ती कामगिरी करुन दाखवली. २०१७ मध्ये शिंदे यांनी भाजप विरोधात असताना शिवसेनेला ६७ जागा जिंकून दिल्या. आता तेच शिंदे शिवसेनेचं नेतृत्व करत असताना ठाण्यात पक्षाला तब्बल ७२ जागा जिंकून देतील, असं एक्सिट पोलचे आकडे सांगत आहेत.
BMC Election: सर, कशाला एवढं? कार्यकर्त्यांनी फोन तपासताच धक्कादायक प्रकार समोर; निवडणूक अधिकाऱ्याची गयावया
लोकसभा, विधानसभा निवडणुकीच्या पाठोपाठ महापालिकेत ठाकरेसेनेची धूळधाण उडेल, असा अंदाज आहे. ठाकरेसेनेला अवघ्या २ जागा मिळतील असा अंदाज आहे. त्यामुळे ठाण्यातून ठाकरे यांचा पक्ष संपल्यात जमा आहे. लोकसभा आणि विधानसभेला ठाकरेंना ठाण्यात भोपळाही फोडता आलेला नव्हता.