मुंबईत ८ लाख ३ हजार ३३० रुपये किंमतीचे १ हजार २३७ लिटर मद्य जप्त करण्यात आले आहे. तर ५५ किलोग्रॅमचे अमली पदार्थही जप्त करण्यात आले आहेत. याची किंमत ४४ कोटी ९५ लाख ७ हजार २३७ रुपये आहे. निवडणूक काळात मतदारांना आकर्षित करण्यासाठी पैशाचा वापरही सर्रासपणे होतो. अशावेळी सर्तक राहिलेल्या निवडणूक अधिकारी, पोलिसांनी ३ कोटी १० लाख १७ हजार रुपये रोख रक्कम जप्त केली आहे. निवडणुकीशी संबंधित १६ अदखलपात्र गुन्हे आणि दखलपात्र १३ गुन्ह्यांची अशी एकूण २९ गुन्ह्यांची नोंद झाली आहे.
Mumbai Local: ट्रेनला लटकून प्रवास, अचानक हात सटकला अन् अनर्थ; धावत्या लोकलमध्ये क्षणात होत्याचं नव्हतं
आचारसंहिता भंगाच्या तक्रारी
महापालिका निवडणुकीत आचारसंहिता उल्लंघन होत असल्याचे दिसताच त्याविरोधात राजकीय पक्षांचे उमेदवार, कार्यकर्ते, स्थानिक रहिवाशी एकमेकांविरोधात तक्रार करतात. असाच तक्रारीचा सूर निवडणूक आदर्श आचार संहिता कक्षाकडे लावण्यात आला आहे. मुंबईत १० जानेवारीपर्यंत आचारसंहिता भंगाच्या एकूण ३८ तक्रारी प्राप्त झाल्या आहेत. यामध्ये बॅनर, पोस्टरबाबत जास्त तक्रारी आहेत. मालाड परिसर असलेल्या पी उत्तर वॉर्डमध्ये पाच तक्रारी, बांद्रा ते सांताक्रुझ पूर्व भाग असलेल्या एच पूर्वमधून चार तक्रारी यासह अन्य वॉर्डमधूनही तक्रारी आल्याची माहिती सूत्रांनी दिली.

BMC election: महापौर मराठीच! शिवाजी पार्कवरील महायुतीच्या सभेत फडणवीस, शिंदे यांची ग्वाही
झेंडे, जाहिरात फलकांवरही कारवाई
महापालिका निवडणुकांची आचारसंहिता लागताच मुंबई महापालिकेकडून अनधिकृत फलकांवर कारवाई करण्यात येत आहे. आचारसंहिता कालावधीत एकूण ७ हजार ६५१ जाहिरात फलकांवर कारवाई केली आहे. तर १ हजार ६०१ झेंडे काढून जप्त केले आहेत.