अद्वैत सांगळे कोण आहे?

रामकृष्णनगर, वसमत रोड परिसरातील रहिवासी असलेले अद्वैत सांगळे हे तिसऱ्या पिढीतील सामाजिक कार्यकर्ते आहेत. त्यांचे दिवंगत वडील स्व. राजीव सांगळे यांनी बजरंग दल आणि विश्वहिंदू परिषदेमार्फत तब्बल २० वर्षे सामाजिक व धार्मिक कार्य केले. हाच वारसा पुढे नेत अद्वैत सांगळे लहानपणापासून राष्ट्रीय स्वयंसेवक संघाचे स्वयंसेवक आहेत.
Parbhani Accident : कीर्तनाहून परतताना काळाची झडप, भीषण अपघातात तीन वारकऱ्यांचा करुण अंत; वारकरी संप्रदायावर शोककळा
महाविद्यालयीन जीवनात त्यांनी अखिल भारतीय विद्यार्थी परिषदेमध्ये सक्रिय कार्य केले. त्यांच्या या कामाची दखल घेत संघटनेने जिल्हा, विभाग, राज्य आणि राष्ट्रीय पातळीवर जबाबदाऱ्या सोपवल्या. सध्या ते भारतीय जनता युवा मोर्चा, परभणीचे जिल्हा महामंत्री म्हणून कार्यरत आहेत. त्यांच्या आजी २०१७ ते २०२२ या कालावधीत प्रभाग क्रमांक १५ च्या नगरसेविका होत्या, तर काका प्रशांत सांगळे हे भाजपमध्ये विविध पदांवर काम करत आहेत. प्रभागाचा विकास, स्वच्छता, महिला सुरक्षा आणि तरुणांसाठी विविध उपक्रम राबवण्याच्या उद्देशाने आपण निवडणूक लढवत असल्याचे अद्वैत सांगळे यांनी सांगितले.
Election Result 2025 : 1 आमदार न् 1 खासदार, तरीही हाती निराशाच, परभणीत ठाकरे बॅकफूटवर; शिंदेंच्या शिलेदारांनी झेंडा फडकवला
दरम्यान, २०१७ साली परभणी महानगरपालिकेत काँग्रेस-शिवसेना युतीची सत्ता होती. त्या निवडणुकीत काँग्रेसने सर्वाधिक ३१ जागा जिंकल्या होत्या. परभणी महापालिकेत एकूण १६ प्रभाग असून ६५ नगरसेवक निवडून दिले जाणार आहेत. महापालिका हद्दीत एकूण २ लाख ६१ हजार २३९ मतदार असून, त्यामध्ये १ लाख ३२ हजार ५९५ पुरुष आणि १ लाख २८ हजार ६३५ महिला मतदारांचा समावेश आहे. या आकडेवारीवरून यंदाची निवडणूक चुरशीची ठरण्याची शक्यता व्यक्त केली जात आहे.