मध्य रेल्वेमध्ये पुणे हा एक महत्त्वाचा विभाग आहे. पुणे रेल्वे विभागात एकूण ८३ स्टेशन आहेत. येथून दिवसाला साधारण दोनशेपेक्षा जास्त रेल्वे गाड्या धावतात. त्यामधून दररोज पावणे दोन लाख प्रवासी प्रवास करतात. पुणे रेल्वे विभागाला प्रवासी व मालवाहतूक नंतर पार्सलमधून सर्वाधिक उत्पन्न मिळाले. गेल्या वर्षी पुणे रेल्वेला पार्सलच्या माध्यमातून २१ कोटी रुपयांचे उत्पन्न मिळाले आहे.

Mumbai News: मुंबईतील रेल्वे जमिनीच्या पुनर्विकासासाठी 1368 कोटी; दादर, ठाणे, CSMTसह कोणत्या स्थानकांचा परिसर बदलणार?

पार्सलच्या उत्पन्नामध्ये प्रत्येक वर्षी वाढ होत आहे. त्यामुळे आता सुरक्षेच्या दृष्टीकोनातून पार्सलदेखील स्कॅन करूनच पाठवले जाणार आहे. त्यासाठी पुणे रेल्वे विभागाने वेगवेगळ्या स्थानकासाठी पार्सल स्कॅनर देण्याचा प्रस्ताव पाठविण्यात आला होता. त्यानुसार रेल्वे बोर्डाने पुणे विभागाला ११ पार्सल स्कॅनर घेण्यास मान्यता दिली आहे. त्यापैकी सर्वाधिक पार्सल पाठवल्या जाणाऱ्या पुणे रेल्वे स्थानकावर चार पार्सल बसवण्यात येणार आहेत. कोल्हापूर, दौंड, मिरज, हडपसर, खडकी, अहिल्यानगर, साईनगर शिर्डी या ठिकाणी प्रत्येकी एक पार्सल स्कॅनर बसवण्यात येणार आहे.

रेल्वेची पार्सल सेवा

पुणे विभागात रेल्वेतून छोट्या वस्तूपासून ते दुचाकी गाड्यांपर्यंत पार्सल सेवा दिली जाते. त्यामध्ये प्रामुख्याने फळे, भाज्या, औद्योगिक कंपन्याची उत्पादने, लगेज, कपडे, कॉस्मेटिक वस्तू, इलेक्ट्रिक वस्तू पाठविल्या जातात. या वस्तू पॅकिंग केलेल्या असतात. आतामध्ये पॅकिंग पार्सलमध्ये काय पाठवले जाते हे रेल्वे प्रशासनाला समजत नव्हते. त्यामुळे धोकायदायक वस्तूदेखील पार्सल होत असतीस, तर समजत नव्हते.

Samruddhi Highway: समृद्धी महामार्गावर कामांचा दुसरा टप्पा सुरू, मुंबईकडे येणाऱ्या वाहनांवर उद्यापासून बंदी; कुठे होणार परिणाम?
त्यामुळे पुणे रेल्वे प्रशासनाने त्यांच्याकडून जाणारे प्रत्येक पार्सल स्कॅन करूनच पुढे पाठविण्याचा निर्णय घेतला आहे. त्यासाठी स्कॅनिंग मशिनसाठी प्रस्ताव पाठविण्यात आला होता. त्याला मंजरी मिळाल्यामुळे सुरक्षिततेच्या दृष्टीने रेल्वेला त्याचा फायदा होणार आहे, अशी माहिती रेल्वेच्या अधिकाऱ्यांनी दिली.