मार्क्स सुझेन असे या तरुणाचे नाव असून, साहित्य संमेलन निमित्त तो केवळ तीन दिवसांसाठी लंडन येथून भारतात आला आहे. मूळ सातारा येथील नामदेव भोसले हे मुंबईत राज्य शासनाच्या मराठी विभागात सहसंचालक म्हणून कार्यरत आहेत. त्यांची कन्या मीनल भोसले लंडनला अंतराळ अभियांत्रिकीचा अभ्यास करीत आहे. तेथे मार्क्सदेखील अणुविज्ञान अभ्यासक्रमाचा पदवी अभ्यासक्रम पूर्ण करीत आहे. मीनलने त्याला साहित्य संमेलनाविषयी सांगितल्यावर तो तिच्यासोबत भारतात आला असून, त्याने मीनल, तिच्या आई मुक्ता यांच्यासमवेत रविवारी संमेलनात हजेरी लावली. त्याने संमेलनातील काही कार्यक्रम पाहिले व ग्रंथदालनांत फेरफटका मारला.

Marathi Sahitya Sammelan 2026: मराठीला अभिजात दर्जाचे लाभ द्या; साहित्य महामंडळाची मागणी, १७ ठरावांना मंजुरी
तेथून त्याने अंधश्रद्धा निर्मूलन समितीचे संस्थापक डॉ. नरेंद्र दाभोलकर यांच्या ‘स्त्रिया आणि अंधश्रद्धा’ या पुस्तकाचा राही डहाके यांनी केलेला ‘वूमन अॅण्ड ब्लाइंड फेथ’ हा अनुवाद तसेच छत्रपती शिवाजी महाराजांच्या जीवनावरील ‘महाराज’ हे इंग्रजी पुस्तक खरेदी केले. साहित्य संमेलन कसे वाटले असे विचारले असता, त्याने ‘मस्त’ अशी मराठीतून प्रतिक्रिया दिली. यानंतर तो भिलार या पुस्तकांच्या गावी, तसेच रायगडावर जाणार आहे.

Satara Crime : पोलीस मागे लागताच गाडी साताऱ्याला वळवली, पण नाकाबंदीत अडकले; मनसे पदाधिकाऱ्याच्या खुनाचे आरोपी सिनेस्टाईल ताब्यात
आमच्याकडे लहान मुलांसाठी असे महोत्सव होतात. मात्र, येथे भाषेसाठी सर्व स्तरांतील व वयोगटांतील लोक सहभागी होत असल्याचे पाहून आश्चर्य वाटले. भिलार हे पुस्तकांचे गाव पाहण्यासाठीही प्रचंड उत्सुक आहे. –मार्क्स सुझेन, लंडन