याप्रकरी मिळालेल्या अधिक माहितीनुसार, मंगेश काळोखे हे सकाळी त्यांच्या मुलाला शाळेत सोडायला निघाले होते. मुलाला शाळेत सोडून परत येत असताना त्यांच्यावर काही जणांनी हल्ला चढवला. हे हल्लेखोर काळ्या रंगाच्या गाडीतून आल्याची माहिती आहे. हल्लेखोरांनी मंगेश यांची गाडी अडवली आणि थेट त्यांच्यावर सपासप वार करण्यास सुरुवात केली. हल्ल्यानंत मंगेश हे रक्ताच्या थारोळ्यात तिथेच कोसळले. त्यानंतर हल्लेखोर तेथून फरार झाले. कोणी त्यांची मदत करु शकेल त्यापूर्वीच त्यांचा मृत्यू झालेला होता.
Raigad Crime : नगरसेविका झाल्याचा आनंद विरला, महिला शिवसैनिकाच्या पतीला संपवलं, मुलाला क्लास सोडलं, तितक्यात…..
घटनेची माहिती मिळताच पोलिसांनी घटनास्थळी धाव घेतली. त्यांनी मंगेश काळोखे यांचा मृतदेह ताब्यात घेत शवविच्छेदनासाठी पाठवला आहे. तर, राज निलेश यांच्या फिर्यादीवरुन पोलिसांनी सध्या या प्रकरणात दहा संशयितांविरोधात 366/2025 भारतीय न्याय संहिता 2023 कलम 130(1), 61(2), 181(1), 190, 111(3),सह शस्त्र अविनियम 1959 चे कलम 4,25 प्रमाणे गुन्हा दाखल केला आहे.

आरोपीची नावं पुढे

• रविंद्र परशुराम देवकर, खोपोली
• दर्शन रविंद्र , खोपोली
• धनेश रविंद्र देवकर , खोपोली
• सचिन संदिप चव्हाण, खोपोली
• सुधाकर परशुराम घारे, कर्जत
• भरत भगत, कर्जत
• रविंद्र देवकर याचा बाउंसर
• इतर अनोळखी 3 इसम

रायगड पोलिसांनी या हत्या प्रकरणाचा युद्ध पातळीवर तपास सुरू केला असून संशयित आरोपींना पकडण्यासाठी पथके तयार करण्यात आली आहेत. यामध्ये रायगड पोलिसांकडून मिळालेल्या माहितीनुसार, पोलिसांनी संशयित आरोपींच्या शोधासाठी एकूण आठ पथक तयार केले आहेत. जिल्हा पोलीस अधीक्षक आंचल दलाल, अभिजीत शिवतारे यांच्या मार्गदर्शनाखाली युद्धपातळीवर तपास सुरू आहे.