टँक टॉवरचे बांधकाम चालू

मिळालेल्या प्राथमिक माहितीनुसार, अवादा कंपनीत सौर पॅनलनिर्मिती आणि त्यासंबंधित पायाभूत सुविधांचं काम सुरू होतं. याच दरम्यान, उंच टँक टॉवरचे बांधकाम चालू असताना अचानक त्याचा समतोल बिघडला आणि संपूर्ण टॉवर खाली कोसळला आणि मोठा आवाज झाला. टॉवर कोसळताच परिसरात धूळ आणि मलब्याचे ढग पसरले, त्यामुळे काही काळ भीतीचं वातावरण निर्माण झालं होतं.

Jalgaon Crime : पाच दिवसापासून तरुण बेपत्ता; कुटुंबियांकडून शोधाशोध, अखेर पोलीस तपासात भयंकर समोर, एका संशयाने…

मजूर थेट मलब्याखाली अडकल्याची शक्यता

घटनेच्यावेळी मोठ्या संख्येने कामगार प्रकल्पस्थळी कार्यरत होते. टॉवरच्या आसपास काम करणारे काही मजूर थेट मलब्याखाली अडकल्याची शक्यता वर्तवली जात आहे. घटनेची माहिती मिळताच स्थानिक पोलीस, अग्निशमन दल, तसेच आपत्ती व्यवस्थापन पथक तात्काळ घटनास्थळी दाखल झाले. जड यंत्रसामग्रीच्या साहाय्याने मलबा हटवण्याचे काम सुरू असून, अडकलेल्या मजुरांना सुरक्षित बाहेर काढण्यासाठी शर्थीचे प्रयत्न सुरू आहेत. दरम्यान, प्रशासनाने संपूर्ण परिसर सुरक्षिततेच्या दृष्टीने बंद केला असून, अनावश्यक गर्दी टाळण्याचे आवाहन करण्यात आलं आहे. वैद्यकीय पथके आणि रुग्णवाहिका घटनास्थळी सज्ज ठेवण्यात आल्या आहेत, जेणेकरून जखमींना तातडीने उपचार देता येतील.

Sangli Crime : लग्नाच्या रात्रीच वधूला हवं ते मिळालं, मध्यरात्री पाठराखणीसह पळाली, नवरदेव तीन महिने थांबला पण गोळे मायलेकींनी…

या दुर्घटनेत किती जण जखमी किंवा मृत झाले आहेत, याबाबत अद्याप कोणतीही अधिकृत माहिती देण्यात आलेली नाही. मात्र, परिस्थिती गांभीर्याची असल्याने प्रशासनाकडून सतत पाहणी केली जात आहे. घटनेच्या कारणांची चौकशी करण्याचे आदेश देण्यात आले असून, बांधकामातील निष्काळजीपणा किंवा तांत्रिक त्रुटी याबाबत तपास केला जाणार आहे. पुढील तपास आणि बचावकार्य पूर्ण झाल्यानंतरच दुर्घटनेचे नेमकं कारण आणि नुकसान स्पष्ट होणार आहे. दरम्यान, या घटनेमुळे परिसरात एकच खळबळ उडाली आहे.