घटनेनंतर पारगावच्या ग्रामस्थांसह नेत्यांनी रास्ता रोको केला. त्यात आमदार शरद सोनवणे यांच्यासह शिवसेना उद्धव ठाकरे गटाचे माऊली खंडागळे, राष्ट्रवादी काँग्रेसचे सूरज वाजगे यांनीही सहभाग घेतला. बिबट्याला ठार केल्याशिवाय मृतदेह ताब्यात घेणार नाही असा पवित्रा कुटुंबांसह ग्रामस्थांनी घेतला . अखेर वन विभागाच्या अधिकाऱ्यांच्या विनंतीनंतर मृतदेह पालकांच्या ताब्यात देण्यात आला.

Pune Mahayuti: स्वतंत्र लढण्यास कारण की…; ‘त्या’ 85 जागांसाठी भाजप, ‘राष्ट्रवादी’ची छुपी आघाडी
वन विभागाचे उपवनसंरक्षक प्रशांत खाडे, सहायक वनसंरक्षक स्मिता राजहंस, वनपरिक्षेत्र अधिकारी चैतन्य कांबळे यांच्यासह २५ जणांचे पथक आणि पोलिसांसह ग्रामस्थ बिबट्याचा शोध घेत आहेत. घटनास्थळी १५ पिंजरे लावण्यात आले आहेत. कॅमेरा ट्रॅप आणि ड्रोन कॅमेऱ्यांद्वारे बिबट्याचा शोध सुरू आहे. बालकाचा मृतदेह पालकांच्या ताब्यात देण्यात आला असून त्यांना गावी जाण्यासाठी वाहनाची व्यवस्था वन विभागाकडून करण्यात आली आहे.

दोन महिन्यांत ३५ बिबटे जेरबंद
ज्या परिसरात हा हल्ला झाला तो पारगाव परिसर शिरुर आणि जुन्नरच्या सीमेवर आहे. येथून पिंपरखेड काही अंतरावर आहे. तेथे बोंबे कुटुंबीयांची दोन मुले बिबट्याच्या हल्ल्यात मृत्युमुखी पडल्यानंतर बिबटे पकडण्याची मोहीम वन विभागाने तीव्र केली. १५ ऑक्टोबर ते १५ डिसेंबर या दोन महिन्यांत ३५ बिबटे जेरबंद करण्यात आले आहेत. सरासरी दोन दिवसांत एक बिबट्या या भागातून पिंजऱ्यात जेरबंद झाला आहे.

अखेर ‘तो’ दिवस जवळ आला! फडणवीसांच्या घोषणेनंतर घडामोडींना वेग; पवारांकडून लवकरच मोठी घोषणा
नागरिकांचा वन विभागावर रोष
बिबट्याच्या हल्ल्यात रोहित काप्रे (इन्सेट) या मुलाचा मृत्यू झाल्यानंतर, ग्रामस्थांनी पारगाव येथे वन विभागाच्या विरोधात रास्ता रोको केले होते.