हत्येपूर्वीचा सीसीटीव्ही समोर

27 नोव्हेंबर रोजी सक्षम ताटेची गोळ्या झाडून आणि डोक्यात फरशी टाकून हत्या करण्यात आली होती. आंतरजातीय प्रेम प्रकरणातून मुलीच्या वडील आणि भावांनी इतर सहकारींच्या मदतीने सक्षमची हत्या केली होती. या प्रकरणात इतवारा पोलिसांनी आंचलचे वडील, आई, दोन्ही भावासह आठ जणांविरोधात हत्येचा आणि ऍट्रॉसिटीचा गुन्हा दाखल केला होता. पोलिसांनी आई, वडील, दोन भावांसह इतर तीन आरोपींना अटक केली आहे. सर्व आरोपी पोलीस कोठडीत आहेत. तर घटनेपूर्वीचा सीसीटीव्ही देखील समोर आला आहे. आंचलच्या एका भावाने आपल्या मित्रासह सक्षमच्या घरी जाऊन रेकी केली होती. सर्वजण सीसीटीव्ही कॅमेरात कैद झाले आहेत.

Thane News: डोंबिवलीत 107 तितर पक्ष्यांचा रहस्यमय मृत्यू; वनविभागाचा तपास सुरू

सक्षमच्या घरासमोर दिवस-रात्र पहारा

दरम्यान, या घटनेतील एक आरोपी असलेल्या आंचलचा भाऊ अल्पवयीन आहे. तेव्हा आंचल आणि सक्षमच्या कुटुंबियांना धोका आहे, अशी शक्यता वर्तवली जात होती. स्वतः कुटुंबियांनी आणि विविध सामाजिक संघटनांनी सुरक्षा देण्याची मागणी केली होती. या पार्श्वभूमीवर पोलीस प्रशासनाने तातडीने निर्णय घेत कुटुंबियांना संरक्षण दिलं आहे. मयत सक्षम ताटे याच्या संघसेननगर येथील निवासस्थानी पोलिसांनी सहा शस्त्रधारी पोलीस कर्मचारी तैनात केले आहेत. दोन-दोन पोलीस कर्मचाऱ्यांची चार तासांची ड्युटी अशा पद्धतीने 24 तास सुरक्षा पुरवली जाणार आहे. सक्षमच्या घरासमोर दिवस-रात्र पहारा ठेवण्यासाठी स्वतंत्र सुरक्षा यंत्रणा तयार करण्यात आली आहे.