राष्ट्रवादी काँग्रेसचे कार्यकर्ते मतदानाचा आढावा घेण्यासाठी गेले असता, विकास गोगावले, महेश निवृत्ती गोगावले, विजय मालसुरे, प्रशांत शेलार, वैभव (बाबू) मालसुरे, सूरज मालसुरे, सिद्धेश शेत आणि इतर आठ ते दहा जणांनी त्यांना अडवले. तक्रारीनुसार, आरोपींनी कार्यकर्त्यांना शिवीगाळ केली आणि जिवे मारण्याची धमकी दिली. तसेच, त्यांची फोर्च्युनर गाडी (MH 02 FX 4100) रस्त्यातून बाजूला घेण्यास सांगितले.

Jalna Crime: अल्पवयीन मुलाने पोस्टाने मागवल्या तलवारी, पोलिसांच्या कारवाईनंतर जालन्यात खळबळ, दोघांनी मिळून….

सुशांत जाबरे यांनी गाडी बाजूला न घेतल्याने संतप्त झालेल्या आरोपींनी गाडीच्या काचा फोडल्या. त्यानंतर त्यांनी चालक साक्षीदार पप्पू यांना गाडीतून बाहेर काढून मारहाण केली. विकास गोगावले यांनी स्वतः सुशांत जाबरे यांना गाडीतून बाहेर खेचून त्यांच्या डाव्या कानाखाली मारहाण केली. इतकेच नाही, तर सुशांत जाबरे यांच्या अंगरक्षकाला, गोपालसिंगला, रिव्हॉल्व्हर दाखवून धमकावले.

या हल्ल्यात सुशांत जाबरे यांचे साथीदार व्यंकट मांडला आणि मनज्योत सिंग अरोरा यांनाही लाथाबुक्क्यांनी मारहाण करून गंभीर जखमी करण्यात आले. आरोपींनी त्यांच्याकडील सोन्याची चैन आणि चार मोबाईल फोन जबरदस्तीने हिसकावून घेतले.

या सर्व प्रकारानंतर महाड पोलीस ठाण्यात र.कॉ.गु.रजि.नं. १७८/२०२५ नुसार भारतीय दंड संहिता २०२३, शस्त्र अधिनियम १९५९ चे कलम ३/२५(१-ब) आणि महाराष्ट्र पोलीस अधिनियम १९५१ अंतर्गत गुन्हा नोंदवण्यात आला आहे. पोलीस अधीक्षक आंचल दलाल यांच्या निर्देशानुसार, सहाय्यक पोलीस निरीक्षक शिवराम खाडे या प्रकरणाचा तपास करत आहेत. मात्र, सर्व आरोपी सध्या फरार असल्याची माहिती आहे.

महाड शहरात घडलेला हा प्रकार निवडणूक प्रक्रियेच्या पारदर्शकतेवर प्रश्नचिन्ह निर्माण करणारा आहे. तसेच, यामुळे स्थानिक नागरिकांमध्ये भीतीचे वातावरण पसरले आहे. पोलीस या घटनेचा सखोल तपास करून दोषींवर कठोर कारवाई करण्याच्या तयारीत आहेत.