मिळालेल्या माहितीनुसार, पिवळी नदी परिसरात राहणारा आशिष रोशन गोंडाणे (वय 33) हा आपल्या दोन मित्र सचिन पुनीमहेश मिश्रा आणि सुशीलकुमार मोतीराम गेडाम यांच्यासह रविवारी दुपारी पिकनिकसाठी बिना संगम नदी घाट परिसरात पोहोचला होता. दुपारी 2.30 वाजता तेथील वातावरणाचा आनंद घेतल्यानंतर सचिन मिश्रा हा काही कामानिमित्त तेथून निघून गेला. तर आशिष व सुशीलकुमार नदीकाठी थांबले होते.

Beed Crime : बीडमध्ये 5 वर्षीय चिमुकलीवर नात्यातीलच नराधमाकडून अत्याचार, पीडितेच्या आईवर ग्रामस्थांचा दबाव; महाराष्ट्र हादरला

संध्याकाळी साधारण 6 वाजण्याच्या सुमारास तीन ते चार अनोळखी युवक तेथे आले. त्यापैकी एकाने सिगारेट पेटवण्यासाठी लाईटर मागितला. आशिषने लायटर दिल्यानंतर ते परत घेताना त्या युवकांमध्ये किरकोळ वाद झाला. हा वाद क्षणात चिघळला आणि आरोपींपैकी एकाने अचानक चाकू काढून आशिषच्या छातीवर व पोटावर वार करण्यास सुरुवात केली. त्याचवेळी दुसऱ्या आरोपीने सुशीलकुमार गेडामच्या पाठीवर चाकूने वार करून त्याला गंभीररीत्या जखमी केले.

या हल्ल्यानंतर जखमी सुशीलकुमारने धडपडत फोनकरून सचिन मिश्रा याला घटनेची माहिती दिली. सचिनने त्वरित 112 वर संपर्क साधून पोलिसांना घटनेची माहिती दिली. पोलिसांनी घटनास्थळी धाव घेऊन गंभीर जखमी अवस्थेतील आशिष गोंडाणे यांना तातडीने रुग्णालयात दाखल केले. कामठी येथील आशा हॉस्पिटलमध्ये नेल्यानंतर डॉक्टरांनी आशिषला मृत घोषित केले. तर गंभीर जखमी सुशीलकुमारला त्याच्या नातेवाईकांनी मानकापूर येथील मॅक्स हॉस्पिटलमध्ये दाखल केले असून त्याच्यावर उपचार सुरू आहेत.

Nagpur News : अचानक धूर आणि आगीच्या ज्वाळा, डेकोरेशनच्या गोदामाला भीषण आग; नागपुरात खळबळ

आरोपी युवक कोण होते? ते त्या परिसरात काय करत होते? त्यांनी हल्ला का केला? त्यासाठी खापरखेडा पोलिसांनी तपास सुरू केला आहे. परिसरातील सीसीटीव्ही कॅमेऱ्यांचे फुटेज तपासत असून लोकांकडून माहिती गोळा केली जात आहे. हल्लेखोरांनी पळ काढल्याने त्यांचा शोध घेण्यासाठी विशेष पथक तयार करण्यात आले आहे.